Prezident Mižnarodnaj fiederacyi chakieja (IIHF) Rene Faziel.
Prezident Mižnarodnaj fiederacyi chakieja (IIHF) Rene Faziel nie vyklučyŭ, što Kaladny mižnarodny turnir amataraŭ chakieja na pryz prezidenta Biełarusi moža ŭ budučyni adbyvacca pad ehidaj arhanizacyi. Pra heta jon zajaviŭ u efiry prahramy «Hałoŭny efir» na telekanale «Biełaruś 1», paviedamlaje BIEŁTA.
Rene Faziel padkreśliŭ, što Kaladny turnir u Minsku pravodzicca na praciahu mnohich hadoŭ i z kožnym hodam stanovicca ŭsio bolš papularnym. «Mahčyma, varta nadać jamu status aficyjnaha i pravodzić pad ehidaj Mižnarodnaj fiederacyi chakieja. Tym bolš, tut pradstaŭlenaja i naša kamanda. Spadziajusia, budučy kiraŭnik arhanizacyi znojdzie mahčymaść heta zrabić», — adznačyŭ jon.
Rene Faziel ličyć Kaladny turnir važnaj padziejaj dla amataraŭ chakieja. «Tut sabralisia chakieisty, jakija ŭjaŭlajuć bolš jak 20 krain. Heta takoje svojeasablivaje jadnańnie — vialikaja siamja viarnułasia na lod. I ja ŭdziačny Alaksandru Łukašenku za ideju praviadzieńnia takich spabornictvaŭ i, što bolš važna, za jaje paśpiachovuju realizacyju na praciahu voś užo 16 hadoŭ», — skazaŭ jon.
Kiraŭnik Mižnarodnaj fiederacyi chakieja nazvaŭ Biełaruś krainaj z bahatymi spartovymi tradycyjami, dzie nadajecca vialikaja ŭvaha raźvićciu roznych vidaŭ sportu, u tym liku chakieja. Jon bačyć značny patencyjał u inviestavańni ŭ dziciačy chakiej.
«Na prykładzie Rasii mnie zdajecca, nieabchodna stvarać akademii. Treba metanakiravana ŭzmacniać rabotu ŭ dziciačych škołach, zaachvočvać śpiecyjalistaŭ, kab jany chacieli treniravać novaje pakaleńnie chakieistaŭ. Tady chłopcy, jakim ad 6 da 18 hadoŭ, buduć zastavacca ŭ hetym sporcie», — ličyć Rene Faziel.
Havoračy ab praviadzieńni ŭ 2021 hodzie čempijanatu śvietu pa chakiei ŭ Minsku i Ryzie, jon vykazaŭ upeŭnienaść u tym, što čempijanat projdzie na vysokim uzroŭni.
