Kniharnia Łohvinaŭ u halerei Padziemka prapanuje svaim čytačam kožny čaćvier z 18.00 da 19.00 kupić knihu z ruk sapraŭdnaha biełaruskaha litaratara.
Prychodź, kab atrymać aŭtarytetnuju paradu, aŭtohraf, prosta pahladzieć.
12 sakavika
Mastak, piśmieńnik, vydaviec. Kultavaja postać jeŭrapiejskaha kulturnaha andehraŭnda. Stvaralnik kancepta «Miensk — Horad Sonca».
Naradziŭsia ŭ 1965 hodzie ŭ Miensku. U 1987 h. skončyŭ adździaleńnie architektury Biełaruskaja Techničnaj Akademii. Z 1998 kiraŭnik biełarusaj asacyjacyi sučasnaha mastactva.
Z 2001 h. vydaviec i redaktara časopisa pARTisan. Aŭtar knih «Małaja padarožnaja kniha pa Horadzie Sonca»(Łohvinaŭ, 2007) (niamieckaje vydańnie: Sonnenstadt der Traume, 2006 Frankfurt, Suhrkamp Verlag; polskaje vydańnie Mińsk. Przewodnik po Mieście Słońca (Czarne, 2008)
19 SAKAVIKA
Uładzimier Arłoŭ
Piśmieńnik, paet, historyk. Naradziŭsia ŭ 1953 h. u Połacku. U 1975 h. skončyŭ histaryčny fakultet BDU.
Aŭtar knih Dobry dzień, maja Šypšyna (Mn, 1986), Moj radavod da piataha kalena. (Mn., 1993); Tajamnicy połackaj historyi (Mn, 1994, 2000, 2002) Adkul naš rod (Mn., 1996; Vilnia, 2000,2003). Čas čumy (Łohvinaŭ, 2005), Słany Hanibała (Łohvinaŭ, 2005), Parom praź La‑Manš (Łohvinaŭ, 2006) i inš. U suaŭtarstvie z Hienadziem Sahanovičam: Dziesiać stahodździaŭ biełaruskaj historyi (862—1818) (Vilnia, 2001,2002. (2001).
U suaŭtarstvie sa Źmitrom Hierasimovičam: Kraina Biełaruś. Ilustravanaja historyja (Martin, Slovakia, 2003).
26 sakavika
Maryja Martysievič (Maryia Martysevich)
Piśmieńnica, paetka, žurnalistka i błohierka.
Naradziłasia ŭ 1982 h. ŭ Miensku. U 2004 h. skončyła filalahičny fakultet Biełaruskaha dziaržaŭnaha universitetu, u 2005 — adździaleńnie filazofii/litaratury Biełaruskaha Kalehijumu. Ctypendyjatka Homines Urbani (tavarystva Villa Decius, Krakaŭ, 2007 h.).
Jak žurnalistka supracoŭničaje z hazetaj «Novy čas» i multymedyja časopisam CD_MAG. Pierakładaje paeziju i prozu z anhielskaj, polskaj, ruskaj, ukrainskaj, českaj movaŭ. Jak eseistka i paetka ŭdzielničała ŭ šerahu mižnarodnych fiestyvalaŭ kultury ŭ Biełarusi, Polščy, Litvie, Słavakii, Ukrainie. Jaje vieršy i ese pierakładalisia na ukrainskuju, českuju, słavackuju, polskuju, litoŭskuju, niamieckuju, ruskuju movy.
U Biełarusi publikujecca ŭ časopisach «ARCHE», «Dziejasłoŭ», «pARTyzan». Aŭtarka knihi «Cmoki latuć na nierast: ese ŭ vieršach i prozie» (Łohvinaŭ, 2008). Žyvie ŭ Miensku.