Hałkipier «Reała» Ikier Kasiljas. Fota reuter
U aŭtorak vyznačylisia pieršyja čverćfinalisty futbolnaj Lihi čempijonaŭ. Admietna, što ŭ čatyroch hulniach było zabita ažno 19 miačoŭ, h.zn. amal pa piać za hulniu.
Samy bujny lik zafiksavany ŭ Miunchienie, dzie «Bavaryja» prosta maralna źniščyła lisabonski «Sportynh» — 7:1 (Padolski — 2, Kłoze, Švajnštajhier, Miuller, van Bomieł, Połha-aŭtahoł — Maŭcińju).
Uličvajučy, što ŭ pieršym matčy ŭ stalicy Partuhalii «Sportynh» prajhraŭ ź likam 0:5, to ahulny vynik — 1:12 uražvaje. Heta rekord plej-ofaŭ Lihi za ŭvieś čas.
«Viljareał» u haściach pierajhraŭ afinski «Panacinaikas» — 1:2 (Mancyas — Ibahasa, Jorente). U pieršym matčy była ničyja (1:1) — i dalej kročyć lubimy kłub hałoŭnaha treniera BATE.
U Turynie «Juvientus» zhulaŭ ničyju z «Čełsi» — 2:2 (Jakvinta, Del Pjera — Eśjen, Drahba), ale pakolki ŭ pieršym matčy ŭ Łondanie vyjhraŭ «Čełsi», to jon vyjšaŭ u nastupny etap. Chidynk pakul nie pieramožny.
I, narešcie, «Livierpul» na rodnym «Enfiłdzie» taksama prosta źniščyŭ madrydski «Reał» — 4:0 (Džerard — 2, Tores, Dasena), u pieršym matčy ŭ Madrydzie padapiečnyja Rafy Bienitesa taksama vyjhrali — 1:0.
Dźvie rečy. Piaty raz zapar «Reał» vylataje z 1/8 finału ŁČ, i «Reał», i «Juvientus» byli supiernikami BATE pa hrupavym etapie Lihi čempijonaŭ.
Takim čynam u nastupny etap ŁČ vyjšli «Livierpul», «Čełsi», «Bavaryja», «Viljareał».
Losavańnie 1/4 finału projdzie 20 sakavika. Tady stanuć viadomyja i tearetyčnyja paŭfinalnyja pary.
Siońnia projduć čatyry matčy:
«Mančestar Junajted» — «Inter» (pieršy matč 0:0),
«Barsiełona» — Lijon» (pieršy matč 1:1),
«Roma» — «Arsienał» (pieršy matč 0:1 na karyść "kananiraŭ"),
«Portu» — «Atletyka» Madryd (pieršy matč 2:2).
BT pakaža ŭ pramym efiry matč «Mančestar Junajted» - «Inter».