U Homielskim abłasnym sudzie 11 sakavika razhledžana kasacyjnaja skarha vadziciela ź Vietki, jaki ŭ kastryčniku 2008 hoda źbiŭ u rajcentry pieciarych dziaciej.
Jak paviedamili BiełaPAN u abłasnym sudzie, pryhavor jamu pakinuty ŭ sile.
Sud pieršaj instancyi pryhavaryŭ 34‑hadovaha mužčynu da siami hadoŭ pazbaŭleńnia voli. Taksama jon pavinien vypłacić baćkam dvuch zahinułych dziaciej pa 30 miljonaŭ rubloŭ.
Vadziciel abvinavačvaŭsia pa č. 3 art. 317 KK (parušeńnie praviłaŭ darožnaha ruchu abo ekspłuatacyi transpartnych srodkaŭ, u vyniku čaho mieła miesca pa nieaściarožnaści śmierć dvuch ci bolš asobaŭ), a taksama pa č. 3 art. 159 (zaviedamaje pakidańnie ŭ niebiaśpiecy).
Nahadajem, 5 kastryčnika prykładna apoŭnačy ŭ Vietcy pjany vadziciel na nieaśvietlenym učastku darohi źbiŭ čatyroch chłopčykaŭ 10, 12, 13 i 15 hadoŭ i 14‑hadovuju dziaŭčynku. Dzieci viartalisia damoŭ paśla kancerta i saluta ŭ honar Dnia horada.
Vadziciel uciok ź miesca zdareńnia, nie paviedamiŭšy ab DTZ u milicyju i chutkuju dapamohu. Dziaciej znajšli prachožyja, usie jany byli dastaŭleny ŭ balnicu ź ciažkimi traŭmami.
