«Cieła Božaje»: polski šedeŭr, pretendent na «Oskara», u minskim prakacie
Pra kinastužku piša historyk Aleś Bieły.
Siońnia schadziŭ z mamaj na «Cieła Božaje». Mocny film.
Kab nadta nie spojleryć, koratka pra siužet: chłopiec, jaki vyzvaliŭsia z kałonii, maryć źmianić svajo žyćcio i stać ksiandzom. U sieminaryju takich nie biaruć. Ale vypadkova jon traplaje ŭ takuju situacyju, što pačynaje vydavać siabie za ksiandza i časova zamianiaje probašča ŭ maleńkim padkarpackim miastečku. Nietradycyjny padychod da nabalełych miascovych prablem dazvalaje jamu vylečyć zastarełyja rany ŭ dušach parafijanaŭ. Ale zmročnaje minułaje ŭžo idzie pa jahonych śladach…
Ja, moža, nie z usimi namiokami hetaha filma zhodny, ale jon taksama prymusiŭ mianie pieražyć niekatoryja važnyja ŭspaminy z majho ŭłasnaha kaścielnaha dośviedu. Biezumoŭna, heta važny rozdum pra toje, jak zrabić Kaścioł bolš žyvym, z mnohimi sumlennymi pytańniami.
Mnie jašče było pryjemna, što film išoŭ u aryhinale z subcitrami, dyk možna było i słuchać naturalnuju polskuju movu. Niejak pašancavała ŭ hetym sensie ŭ studzieni: spačatku byli hości z Polščy, potym źjeździŭ u Varšavu na 2 dni, pasłuchaŭ «Strašny dvor», nu i voś pahladzieŭ film. A ciapier siadžu zajmajusia litoŭskaj, kab mieć jašče adno akno ŭ navakolny śviet. Chočacca maryć, što niekali jašče adnovim «vialiki kancert» kultur byłoj Rečy Paspalitaj na novym uzroŭni, i z našym vyraznym asobnym udziełam.
Polskaja kultura maje histaryčna tak šmat supolnaha z našaj. Jaje «naskaść» i jaje bolšaja čałaviečnaść, čym u niekatorych bahatych i mocnych jeŭraatłantyčnych kultur, robić jaje dla nas važniejšaj za ŭsich ich.
A polski kiniematohraf, mnie padajecca, ciapier na samym vysokim uzroŭni za ŭsie časy.
Kieśloŭski i navat Vajda dla mianie niasuć adbitak niesvabody ŭnutry ich, ź jakoj jany zmahalisia, ale nie da kanca pieramahli. Tamu ich filmy i ich dumki mnie zaŭždy padavalisia trochi rabatyzavanymi.
Biełaruskim ža kiniematahrafistam raju razhladać «Božaje cieła» jak aryjencir, u jakim kirunku raźvivacca.
Ciapier čytajuć
Chto ciapier prapisany ŭ aficyjnaj rezidencyi Drazdy razam z Łukašenkam?17
Kamientary