Ministram kultury Rasii stała Volha Lubimava, i jana chutka pryciahnuła ŭvahu karystalnikaŭ internetu. Ale ich zacikavili zusim nie fakty ź jaje bijahrafii, a fatahrafija, na jakoj, jak ličać u internecie, novy rasijski ministr. Nadpis na jaje futbołcy sparadziŭ dyskusiju pra asobu novaha ministra.
U karystalnikaŭ sietki roznyja asacyjacyi z hetaj futbołkaj. Tak, palityku Alaksieju Navalnamu jana nahadała viadomy aniekdot pra ministerstva kultury.
Niekatoryja źviarnuli ŭvahu na stary błoh Lubimavaj u «Žyvym žurnale», a mienavita na dopis, apublikavany 11 hadoŭ tamu: u im ciapierašni ministr pryznajecca, što jana — «ni chalery nie kulturny čałaviek».
Lubimava raniej pracavała na telebačańni, u tym liku na kanale «Kultura». Taksama ŭ 2018 hodzie jana ŭznačaliła departamient kiniematahrafii ministerstva kultury. Lubimava kuryravała vydaču prakatnych paśviedčańniaŭ.
