Pavodle infarmacyi sajtu afn.by, u kalidorach ułady raspracavany płan pryvatyzacyi jašče dvuch brovaraŭ.
Na pieršym etapie AAT «Krynica» i AAT «Bresckaje piva» majuć abjadnacca ŭ chołdynh, 51% akcyj jakoha piarojdzie ŭ kiravańnie prezidenckaha spartovaha kłubu, a 49% zastanucca pad kantrolem ciapierašniaha hałoŭnaha akcyjaniera hetych dvuch pradpryjemstvaŭ, kancernu «Biełdziaržcharčpramu».
Na druhim etapie na biełaruski rynak pavinna ŭvajści kampanija SABMiller — adzin ź lideraŭ rynku.
Pavodle vydańnia, uhodzie pasiaredničajuć aŭstryjskija kampanii, blizkija da staršyni rady akcyjanieraŭ kampanii «Biełtiech¬eksport» Uładzimira Piefcijeva. Hety biznesoviec, byccam by, prysutničaŭ pry abmierkavańni ŭhody z premjeram S.Sidorskim.
Prezidencki spartovy kłub uznačalvaje małodšy (siaredni?) syn A.Łukašenki Dźmitry.
Pivavarstva — prybytkovaja śfiera, asabliva ŭ krainach, dzie mocnyja napoi pastupova zamianiajucca słabymi pa miery rostu dabrabytu nasielnictva.