Pstryčka isteblišmientu: Butydžydž i Sanders pieramahajuć na kokusach u Ajovie
Pałamałasia prahrama, jakaja pavinna była ličyć hałasy na tak zvanych «kokusach» — pieradvybarach u Ajovie. U suviazi z hetym publikacyja vynikaŭ zaciahnułasia amal na sutki, što vyklikała kpiny prezidenta Trampa i respublikancaŭ.
Pieršyja vyniki z Ajovy pakazvajuć, što vybarščyki-demakraty dali pstryčku partyjnamu isteblišmientu.
Na pieršaje miesca vyjšaŭ Pit Butydžydž z 27 % hałasoŭ.
Druhoje miesca ŭ Bierni Sandersa z 25 %.
Kandydaty ad isteblišmientu nabirajuć mienš. U libierałki Elizabet Uoren — 18 %. U centrysta, eks-vice-prezidenta Džo Bajdena — 16 %. Jašče adna centrystka, sienatarka Emi Kłabučar nabiraje 13 %.
38-hadovy Butydžydž naležyć da pamiarkoŭnaha, centrysckaha kryła Demakratyčnaj partyi. Jon samy małady z kandydataŭ i pieršy ŭ historyi adkryty hiej, jaki vyjšaŭ u lidary pieradvybaraŭ. Jon byŭ meram maleńkaha haradka ŭ kansiervatyŭnym štacie Indyjana. Ščupły i ścipły, jon procilehłaść tradycyjnamu typu amierykanskaha palityka.
78-hadovy Sanders, pałymiany aratar i adziny ŭ ZŠA palityk nacyjanalnaha ranhu, jaki nie baicca nazyvać siabie sacyjalistam, vystupaje za revalucyjnyja źmieny ŭ padatkaabkładańni i sistemie achovy zdaroŭja. Daŭno nie było na amierykanskaj palityčnaj scenie palityka nastolki levych pierakanańniaŭ.
Kamientary