Mašynu z delehacyjaj udzielnikaŭ Mižnarodnaj ekśpiertnaj dyskusii «Hibrydnaja vajna RF suprać Biełarusi» zatrymali na biełaruskaj miažy.
Padstavaj dla zatrymańnia stała znachodžańnie ŭ mašynie prahramki VII Banderaŭskich čytańniaŭ, jakija siońnia musiać skončycca ŭ Kijeŭskaj haradskoj Radzie.
U składzie delehacyi — Ihar Lalkoŭ i staršynia partyi BNF Ryhor Kastusioŭ.
Pra zatrymańnie paviedamiła ŭ fejsbuku Alena Tałstaja.
«Zavieźli nas u boks. U boksie vysadzili ŭsich z mašyny. Naša mašyna staić u rajonie padjomnika. Pryniaśli lusterka, padsoŭvajuć pad niz. My staim pobač z mašynaj — ja, Ihar Lalkoŭ, dziaŭčyna adna. Pad kanvojem nas pa čarzie vadzili ŭ prybiralniu. Ničoha nie kažuć», — raspavioŭ «Mahiloŭskamu rehijonu» Ryhor Kastusioŭ, adznačyŭšy, što ciahniecca ŭsia pracedura ŭžo bolš za hadzinu i pamiežniki sfatahrafavali prahramu kanfierencyi.
Razam z Kastusiovym i Lalkovym taksama zatrymali aktyvista ruchu salidarnaści «Razam» Siarhieja Sianciurova. Zaraz zatrymanyja znachodziacca ŭ asobnym pakoi, im pa-raniejšamu ničoha nie paviedamlajuć.
