Prapanova studentaŭ i vykładčykaŭ BNTU pa prajektavańni prybudovy da budynka Kupałaŭskaha teatra ŭchvalena jak pierśpiektyŭnaja.
Prapanova studentaŭ i vykładčykaŭ BNTU pa prajektavańni prybudovy da budynka Kupałaŭskaha teatra ŭchvalena jak pierśpiektyŭnaja.
Respublikanskaja navukova‑mietadyčnaja rada pa pytańniach historyka‑kulturnaj spadčyny pryznała «pierśpiektyŭnaj dla nastupnaha prajektavańnia» prapanovu studentaŭ i vykładčykaŭ Biełaruskaha nacyjanalnaha techničnaha univiersiteta pa prajektavańni prybudovy da budynka Nacyjanalnaha akademičnaha teatra imia Janki Kupały ŭ Minsku, paviedamiŭ BiełaPAN načalnik upraŭleńnia pa achovie historyka‑kulturnaj spadčyny i restaŭracyi Ministerstvy kultury Ihar Čarniaŭski.
Pavodle jaho słoŭ, z troch varyjantaŭ, prapanavanych studentami i vykładčykami BNTU, dva byli adchilenyja adrazu, adzin — pryniaty ŭ jakaści mahčymaha rašeńnia z ukazańniem na nieabchodnaść «źmianić abjomna‑prastoravaje rašeńnie prybudovy z metaj raskryćcia budynka teatra», uźviedzienaha ŭ 1890 hodzie pa prajekcie architektara Kareła Kazłoŭskaha.
Načalnik upraŭleńnia ličyć mahčymaj rekanstrukcyju tylnaj častki budynka i bakavoha fasadu, jaki vychodzić na praśpiekt Niezaležnaści. Pavodle jaho słoŭ, realizacyja hetaj prapanovy dazvolić vyrašyć šmatlikija prablemy dziejnaści teatra, naprykład, «schavać zahruzačny pandus». Pavodle jaho słoŭ, charaktar prybudovy nie pavinien dysanavać z histaryčnym budynkam, jaki prajektavaŭsia pad haradski teatr. Jak zaznačyŭ I.Čarniaŭski, u ciapierašnim statucie nacyjanalny teatr z pastajannaj trupaj, repietycyjnymi i składskimi pamiaškańniami, majsterniami pa vyrabie dekaracyj i kaściumaŭ patrabuje dadatkovych płoščaŭ.
Pavodle jaho słoŭ, architektura prybudovy nie moža dyzharmanavać z budynkam teatra, jakomu vyrašana viarnuć jaho pieršapačatkovaje abličča. «I prybudova pavinna apraŭdać viartańnie pomnika da svajho pieršapačatkovaha vobrazu», — padkreśliŭ I.Čarniaŭski.
U 1949 hodzie była praviedziena rekanstrukcyja interjeraŭ teatra pa prajekcie architektara Hieorhija Zaborskaha, a ŭ 1956—1958 hadach — budynka teatra pa prajekcie architektara Abrama Duchana. Na hałoŭnym fasadzie byli nadbudavanyja bakavyja kryły da druhoha paviercha i pierapłanavanyja niekatoryja dapamožnyja pamiaškańni.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja8
Kamientary