Kitajskija ŭłady zabaranili chvorym z tempieraturaj abo kašlem padarožničać pa krainie na aŭtobusach, ciahnikach i samalotach. Jany abviaścili, što ŭvodzicca kryminalny pieraśled za raspaŭsiudžvańnie zachvorvańnia, piša DW.
U Kitai mohuć pakarać śmierciu za naŭmysnaje ŭtojvańnie simptomaŭ novaha karanavirusa COVID-19 abo skažeńnie infarmacyi ab stanie chvoraha, havorycca ŭ apublikavanaj u subotu, 15 lutaha, zajavie kitajskaha suda. Utojvańnie historyi svaich padarožžaŭ taksama moža ličycca kryminalnym złačynstvam. Čałaviek, jaki staŭ krynicaj infiekcyi i pryvioŭ da raspaŭsiudžvańnia virusa, budzie abvinavačany ŭ stvareńni pahrozy hramadskaj biaśpieki. Jaho mohuć prysudzić da 10-hadovaha albo pažyćciovaha turemnaha źniavoleńnia ci da śmiarotnaha pakarańnia.
Nacyjanalnaja kamisija pa achovie zdaroŭja Kitaja 15 lutaha zabaraniła žycharam z kašlem, tempieraturaj i inšymi simptomami virusnaha zachvorvańnia pierasoŭvacca pa krainie ŭ aŭtobusach, ciahnikach i samalotach. Akramia taho, usie hramadzianie, jakija viartajucca dadomu paśla śviataŭ z zony ačaha epidemii, pavinny zastavacca doma albo pad nahladam lekaraŭ 14 dzion, a tyja, chto admoviacca ad karancinu, buduć pakaranyja.
