Za sprobu dać chabar dla arhanizacyi kantrabandy tytuniu biełarus, zatrymany na ŭkrainska-biełaruskaj miažy, moža być asudžany na termin da 8 hadoŭ pazbaŭleńnia voli, piša «Radyjo Svaboda».
Hramadzianin Biełarusi damoviŭsia z ukrainskim pamiežnikam ab uvozie va Ukrainu vialikaj partyi cyharet za chabar u pamiery 7,5 tysiačy hryŭniaŭ (bolš za 300 dalaraŭ u ekvivalencie), ale pry pieradačy pieršaj častki hrošaj jon byŭ zatrymany. Druhuju častku jon abiacaŭ pieradać paśla realizacyi cyharet na ŭkrainskaj terytoryi, kali budzie viartacca ŭ Biełaruś.
Pieradajučy chabar, biełarus zrazumieŭ, što jaho zatrymlivajuć, i sprabavaŭ uciačy. Heta pryviało da žorstkaha zatrymańnia:
Incydent adbyŭsia na ŭkrainskim pamiežnym pastu «Haradzišča» ŭ Dubrovickim rajonie Rovienskaj vobłaści.
Hramadzianin Biełarusi schavaŭ pad abšyŭku ŭ sałonie svajho aŭtamabila 2160 pačak cyharet. Jak paviedamili ŭ administracyi Dziaržaŭnaj pamiežnaj słužby Ukrainy, u dačynieńni da biełarusa zaviali kryminalnuju spravu pa fakcie sproby dać chabar słužbovaj asobie. Pavodle ŭkrainskaha zakanadaŭstva takija dziejańni karajucca pazbaŭleńniem voli ad 4 da 8 hadoŭ z kanfiskacyjaj majomaści abo bieź jaje.
Adnačasova śledčyja rehijanalnaj palicyi praviali šerah pieratrusaŭ u miescach, kudy biełarus płanavaŭ dastavić tytuń. U niekalkich ź ich znajšli cyharety biełaruskaj vytvorčaści biez akcyznych marak.
Kamientary