Žycharka vioski Duboj Stolinskaha rajona źviarnułasia ŭ milicyju z zajavaj ab kradziažy zbožža. Apieratyŭniki adšukali złodzieja: im akazaŭsia pradaviec hetaha zbožža, paviedamili va UUS Bresckaha abłvykankama.
Žančyna patłumačyła milicyjantam, što kupiła piać miaškoŭ zbožža, jakija zachoŭvała ŭ niezamknionaj prybudovie na dvary. Na nastupny dzień, vyjaviŭšy prapažu troch miaškoŭ, haspadynia parazmaŭlała z pradaŭcom. Jon adrazu ž pryznaŭsia, viarnuŭ skradzienaje i paprasiŭ nie źviartacca ŭ pravaachoŭnyja orhany.
Praz paru dzion u paciarpiełaj znoŭ źnikła častka zbožža. Prapažu jana znajšła ŭžo ŭ chlavie ŭ susiedki. Adnaviaskoŭka patłumačyła: tavar kupiła ŭ adnaho z žycharoŭ vioski. Žančyny vyśvietlili, što ŭ ich adzin pastaŭščyk, i zajavili ŭ milicyju.
Supracoŭniki kryminalnaha vyšuku vyjavili: kradziež ździejśniŭ raniej sudzimy viaskoviec 1997 naradžeńnia. Mužčyna raspavioŭ, što pryciahvaŭ dla spravy tavaryšaŭ. Atrymanyja hrošy fihuranty vydatkavali na ałkahol.
