Polskaja delehacyja naviedała ZŠA, kab abmierkavać, u pryvatnaści, pastaŭki nafty z Polščy ŭ Biełaruś. Amierykancy vykazali zdahadku, što jany mahli b likvidavać zaležnaść krainy ad rasiejskaj syraviny, piša biznesalert.pl.
Fota Nadziei Bužan
— My ŭ Polščy zacikaŭleny ŭ tym, kab dapamahčy Biełarusi z pastaŭkami nafty, kali heta nieabchodna, kali heta mahčyma, — zajaviŭ padčas vizitu ŭ Vašynhton upaŭnavažany pradstaŭnik urada Polščy pa stratehičnaj enierhietyčnaj infrastruktury Piotr Naimski.
— Heta pavinna pačacca z taho momantu, kali biełarusy kupiać naftu, jakuju chočuć dastavić na svaje NPZ. Tady my možam pastaŭlać pieršapačatkova nievialikija abjomy nafty praz našu sistemu pieradačy, a z časam i značna bolšyja, — dadało Polskaje ahienctva druku.
Dziaržsakratar ZŠA Majk Pampiea padčas svajho vizitu ŭ Minsk prapanavaŭ zabiaśpiečyć Biełaruś amierykanskaj naftaj, choć rasijskaja nafta, na jakuju nastrojeny biełaruskija NPZ, maje inšy chimičny skład i adroźnivajecca ad amierykanskaj.
