Kolkaść infikavanych karanavirusam novaha typu ŭ Iranie dasiahnuła 593, zafiksavany 43 śmiarotnyja zychody. Takija źviestki pryvioŭ u subotu čynoŭnik Ministerstva achovy zdaroŭja i miedycynskaj adukacyi krainy.
Ahučanaja kolkaść infikavanych vyklikaje pytańni. Pakazčyk śmiarotnaści ad pnieŭmanii, vyklikanaj novym karanavirusam, składaje ad 1,3 da 3,57% ad liku tych, chto zaraziŭsia. Adpaviedna, pry 43 achviarach infikavanych pavinna być jak minimum bolš za tysiaču.
Ministerstva achovy zdaroŭja Irana 19 lutaha paviedamiła ab pieršych vypadkach zaražeńnia. U suviazi z raspaŭsiudžvańniem virusa ŭsie škoły krainy syšli na trochdzionnyja vychadnyja, na tydzień spyniŭ pracu Miedžlis (parłamient).
0
0
0
0
0
0