Fota SK
Ministerstva achovy zdaroŭja raspaviało pra stan paciarpiełych u šachcie «Biełaruśkalija». Stan čaćviarych stabilna ciažki, jašče adnaho špitalizavanaha siońnia pieraviaduć z reanimacyi ŭ adździaleńnie. Ab hetym paviedamlajecca ŭ telehram-kanale viedamstva.
«U vychadnyja dni čatyrom paciarpiełym u salihorskim zdareńni, jakija znachodziacca ŭ Balnicy chutkaj miedycynskaj dapamohi, byli praviedzieny pa dźvie apieracyi. Na siońniašni dzień stan usich — stabilna ciažki. Paciarpiełamu, jaki byŭ špitalizavany ŭ RNPC traŭmatałohii i artapiedyi, taksama praviedziena apieracyja, siońnia jon budzie z reanimacyi pieraviedzieny ŭ adździaleńnie», — havorycca ŭ paviedamleńni.
Zdareńnie na «Biełaruśkalii» adbyłosia ŭ sieradu, 4 sakavika. Mašyna z rabotnikami na hłybini 600 mietraŭ urezałasia ŭ ścianu: zahinuŭ adzin čałaviek, jašče šeść u balnicy. Pryčynaj avaryi mahła stać niaspraŭnaść mašyny.