U Minsku ŭžo pracujuć 80 elektrobusaŭ, idzie zakupka tralejbusaŭ z aŭtanomnym chodam. Pra heta «Minsk-navinam» raspavioŭ dyrektar pradpryjemstva «Staličny transpart i suviaź» Valer Škurataŭ.
— Horad pryniaŭ rašeńnie raźvivać transpart u ekałahičnym kirunku, — adznačyŭ Škurataŭ. — Pierš čym pačać zakupku, pryniać novuju techniku, my zrabili jaje acenku. Pieravozčyk praličyŭ, što ekspłuatacyjnyja vydatki na elektryčny transpartny srodak na 15% nižej, čym na aŭtobus, jaki pracuje na dyzielnaj ciazie. Naša prahrama nastrojena na płaŭnuju zamienu aŭtobusaŭ na tralejbusy z aŭtanomnym chodam i elektrobusy.
Jon apisaŭ dźvie schiemy raboty elektratranspartu. Kali ŭ elektrobusa jość ekspres-zaradka, to jon zdolny na praciahu 80 chvilin atrymać enierhiju dla ruchu. Kali stavicca akumulatar, dla zaradki patrabujecca bolš času. Tamu davodzicca abo zaradžacca ŭ parku na praciahu načnoha prastoju, albo vykarystoŭvać dziejnuju kantaktnuju sietku.
