Na siońnia ŭ špitalach Biełarusi znachodzicca 21 čałaviek z łabaratorna paćvierdžanym RNK karanavirusa, paviedamlaje Ministerstva achovy zdaroŭja.
Fota Nadziei Bužan
RNPC epidemijałohii i mikrabijałohii ŭžo praviało bolš za 10,5 tysiačy testaŭ na COVID-19.
Ministerstva achovy zdaroŭja źviartajecca z prośbaj da ŭsich hramadzian, što viartajucca ŭ Biełaruś, — abaviazkova infarmavać śpiecyjalistaŭ, jakija pracujuć u zonach pahraničnaha kantrolu, pra toje, što pabyvali ŭ epidemična niespryjalnych rajonach. Akramia taho, Ministerstva achovy zdaroŭja zaklikaje, pa mahčymaści, pieršyja 14 dzion paśla viartańnia z-za miažy abmiežavać kolkaść kantaktaŭ. A ŭ vypadku źjaŭleńnia reśpiratornaj infiekcyi, vyklikać chutkuju miedycynskuju dapamohu. Abaviazkova treba skazać pa telefonie, jakija krainy vy naviedvali.
Pieršy pacyjent, u jakoha ŭ Biełarusi byŭ dyjahnastavany COVID-19, byŭ siońnia vypisany ź Minskaj infiekcyjnaj balnicy.