Z 14 sakavika zakryvajecca prodaž kvitkoŭ na ciahniki Brest — Praha i Praha — Brest, paviedamili TUT.BY u daviedačnaj słužbie Bresckaha adździaleńnia Biełaruskaj čyhunki.
Admiena ciahnikoŭ źviazana z tym, što z zaŭtrašniaha dnia Čechija zakryvaje mižnarodnyja naziemnyja transpartnyja znosiny. Heta tyčycca mižnarodnych ciahnikoŭ i aŭtobusaŭ. Mižnarodnyja avijarejsy buduć ažyćciaŭlać tolki pražski aeraport imia Vacłava Haŭła, paviedamlaje Ministerstva transpartu Čechii.
Kali adnovicca čyhunačnyja znosiny z Bresta ŭ Prahu, pakul nie viadoma.
Nahadajem, napiaredadni Čechija abviaściła pra ŭviadzieńnie na 30 dzion režymu nadzvyčajnaha stanovišča. Urad pryniaŭ rašeńnie z 14 sakavika va ŭsich dypłamatyčnych pradstaŭnictvach Češskaj Respubliki, uklučajučy vizavyja centry, prypynić pryjom zajaŭ na atrymańnie šenhienskich vizaŭ i doŭhaterminovych vizaŭ. U Čechii zarehistravana 96 vypadkaŭ karanavirusa.
