Špitalizacyja pacyjenta ŭ Minsku. Fota vk.com/chp_minska
Praŭda. Ale heta — pry najhoršym scenary, imaviernaść jakoha nievysokaja. Heta nie značyć, što možna nie myć ruk.
U ŚMI prajšła infarmacyja, što Brytanija, Francyja i Hiermanija dapuskajuć varyjant, pry jakim u kožnaj ź ich karanavirusam zarazicca ad 50 da 80 pracentaŭ nasielnictva. Pry hetym prykładna 1% ad nośbitaŭ infiekcyi moža pamierci, a 15% infikavanym, moža, spatrebicca špitalizacyja.
Takija prahnozy navukoŭcaŭ sapraŭdy byli składzienyja dla ŭradaŭ hetych krain — pryčym paralelna, niezaležna roznymi kamandami epidemijołahaŭ. Im možna daviarać, jany hruntujucca na matematyčnych madelach.
Pry takim scenary, naprykład, u Brytanii ź jaje 68-miljonnym nasielnictvam zaraziłasia b bolš za 40 miljonaŭ, paŭmiljona ź ich stracili b žyćcio.
Ale havorka pra «najhoršy scenar». Tak pandemija raźvivałasia b, kali b nie było karancinnych abmiežavańniaŭ, kali b z zarazaj nie zmahalisia. Tady lik achviar u śviecie, sapraŭdy, ciaham niekalkich miesiacaŭ pajšoŭ by na dziasiatki miljonaŭ.
Isnujuć jašče i «siaredni», i «najlepšy» scenary. Pry ich dziaržavam udasca paśpiachova minimizavać udary epidemii da taho momantu, kali navukoŭcy zdolejuć vynajści leki i vakcyny. Hetaja sprava moža zaniać miesiacy, hod, a nie doŭhija hady.
«Najhoršy scenar» małaimavierny va ŭmovach Jeŭropy. Jość spadziavańnie, što ŭžo praz 7-10 dzion abmiežavalnyja miery pačnuć davać efiekt navat u najhoršych ahmianiach zarazy.
Nichto nie moža pradkazać, kali pandemija dasiahnie svajho piku, bo čałaviectva nikoli raniej z takim vyklikam nie sutykałasia. Aptymizmu nadaje toj fakt, što i horad Uchań u Kitai, i Paŭdniovaja Kareja zarazu zmahli spynić davoli chutka. Pik epidemii ŭ Kitai byŭ projdzieny prykładna praz 5 tydniaŭ paśla vyjaŭleńnia pieršych vypadkaŭ.
Čytajcie taksama: Baza adrasoŭ chvorych u publičnym dostupie i tatalny kantrol. Jak Sinhapuru ŭdałosia strymać Covid-19 — raskazvaje biełaruska
Ale prajekcyi tut nie pracujuć. U Kitai epidemiju pryhasili, kinuŭšy na heta hihanckija ludskija i materyjalnyja resursy, abo jakich u bolšaści krain niama, abo jakija niemahčyma tatalitarna mabilizavać. U Karei kolkaść vypadkaŭ była ŭsio ž nie nastolki vialikaja, jak u niekatorych jeŭrapiejskich krainach, dzie alej užo raźlity mocna-mocna.
U hetych jeŭrapiejskich krainach kryvaja moža akazacca vyšejšaj, čym u Kitai. U hetym i jość i rola klimatu, i rola kulturnych tradycyj, i dola vypadkovaści.
Italija akazałasia svajho rodu «vyprabavaŭčym palihonam» epidemii ŭ Jeŭropie.
Pakul kolkaść zaražeńniaŭ i śmierciaŭ na Apieninach raście. Epidemijołahi čakajuć, što abmiežavalnyja miery, uviedzienyja ŭ Italii na minułym tydni, pačnuć davać svoj efiekt u najbližejšy čas.
Toj fakt, što piesimistyčny scenar małajmavierny, nie aznačaje, što na niebiaśpieku možna plavać. Naadvarot, adkaznyja pavodziny i datrymańnie hihijeny i jość tym barjeram, jaki tolki i moža spynić virus i abaranić žyćci starych ludziej.
Čytajcie taksama: Nie ŭsio tak prosta! Jak pravilna myć ruki, dezynfikavać hadžety, trymacca za poručni. Praviły adkaznych pavodzin padčas epidemii. VIDEAinstrukcyja ad doktara Sałoškina
Varta ŭličvać, što pandemija budzie praciahvacca i paśla skančeńnia «pieršaj chvali».
Što da Biełarusi, to pakul što niemahčyma pradkazać, jak u nas buduć raźvivacca padziei. Toje, što ŭ zvyčajnym žyćci było minusam, pry fors-mažory stała našym plusam: naša kraina lažyć trochi ŭbaku ad asnoŭnych pasažyrskich šlachoŭ z Kitaja ŭ Jeŭropu i na pieryfieryi mižnarodnaha handlu, jakija i prynieśli Covid-19 u Stary Śviet. Zusim jak kaliści čumu — jaje taksama prynieśli z Kitaja hienuezskija kupcy.
Mahčyma, virus u Biełarusi ŭdasca strymać kropkavymi mietadami, jak heta sprabujuć rabić ciapier. Kali ž jon usio ž raspaŭsiudzicca, to tady mnohaje budzie zaležać ad zdolnaści ŭtrymać pieršuju chvalu, bo, jak pakazvaje dośvied i Uchania, i Łambardyi, pracent śmiarotnych vypadkaŭ rezka raście, jak tolki sistema achovy zdaroŭja pierapaŭniajecca.
Pa stanie na siońnia ŭ Biełarusi zrabili 16 tysiač testaŭ na karanavirus. Dla paraŭnańnia: u Brytanii, jakaja apiaredžvaje nas pa tempie raspaŭsiudu virusa, — tolki 40 tysiač, abo ŭ 3 razy mienš u pieraliku na dušu nasielnictva. Z druhoha boku, majem prykład Niamieččyny, jakaja ŭ terminovym paradku naraściła mahčymaści i ciapier moža vykonvać 12 tysiač testaŭ za dzień. Zdajecca, mienavita dziakujučy starannaj rańniaj identyfikacyi vypadkaŭ i vyčarpalnaha infarmavańnia hramadstva pra niebiaśpieki niemcy majuć mienšuju kolkaść zaražeńniaŭ i zusim małuju śmiarotnaść adnosna susiednich krain Zachodniaj Jeŭropy.
Čytajcie taksama: Ułady Rasii chavajuć infarmacyju pra maštaby epidemii? Łukašenka: «Jak učora skazaŭ premjer Rasii, u ich pažar: nie ŭsio ŭ ŚMI davali»
