Na heta źviarnuŭ uvahu Alaksandr Łukašenka siońnia na naradzie ab vynikach sacyjalna-ekanamičnaha raźvićcia za 2019 hod i acency vynikaŭ piacihodki, pieradaje BIEŁTA.
«Bolš za ŭsio mianie naściarožvaje, što ŭstaranieńnie klučavych prablem, jakija strymlivajuć mahčymaści ekanomiki, idzie vielmi marudna. Bajusia, što farmalna. Ekanomika nie dasiahnuła takoj stupieni ŭstojlivaści, kab upeŭniena supraćstajać upłyvu zvonku: palityčnym nastrojam, źniešnim šokam i inšaha rodu ŭzrušeńniam», — skazaŭ Alaksandr Łukašenka.
Pavodle jaho słoŭ, u dziaržavie zanadta šmat uvahi nadajuć tamu, pa jakim košcie buduć kuplać naftu i ŭ jakich abjomach, jaki kurs valuty ŭ krainach — handlovych partniorach, jakija abmiežavańni jany ŭvodziać dla Biełarusi. «Reahujuć na luby šorhat. Tak być nie pavinna. My nievialikaja kraina z adkrytaj ekanomikaj. Mienavita tamu pavinny ŭmieć hnutka adaptavacca da abjektyŭnych umovaŭ, u jakich žyvie navakolny śviet, i ŭmieć pracavać z usimi», — padkreśliŭ jon.
