На гэта звярнуў увагу Аляксандр Лукашэнка сёння на нарадзе аб выніках сацыяльна-эканамічнага развіцця за 2019 год і ацэнцы вынікаў пяцігодкі, перадае БЕЛТА.
«Больш за ўсё мяне насцярожвае, што ўстараненне ключавых праблем, якія стрымліваюць магчымасці эканомікі, ідзе вельмі марудна. Баюся, што фармальна. Эканоміка не дасягнула такой ступені ўстойлівасці, каб упэўнена супрацьстаяць уплыву звонку: палітычным настроям, знешнім шокам і іншага роду ўзрушэнням», — сказаў Аляксандр Лукашэнка.
Паводле яго слоў, у дзяржаве занадта шмат увагі надаюць таму, па якім кошце будуць купляць нафту і ў якіх аб'ёмах, які курс валюты ў краінах — гандлёвых партнёрах, якія абмежаванні яны ўводзяць для Беларусі. «Рэагуюць на любы шоргат. Так быць не павінна. Мы невялікая краіна з адкрытай эканомікай. Менавіта таму павінны ўмець гнутка адаптавацца да аб'ектыўных умоваў, у якіх жыве навакольны свет, і ўмець працаваць з усімі», — падкрэсліў ён.
