Staršynia Dokšyckaha rajvykankama Aleh Pinčuk u lutym trapiŭ u niepryjemnuju historyju. Na palavańni jon vypadkova streliŭ u miascovaha biznesmiena Valera Jančaka. Biznesmien pamior.
Čytajcie. Na palavańni zastrelili biznesmiena. Svajaki kivajuć na kiraŭnika Dokšyckaha rajona
SK zavioŭ spravu za pryčynieńnie śmierci praź nieaściarožnaść, ale Pinčuka nie zatrymlivali.
Praŭda, z pasady jaho źniali i adpravili «na panižeńnie» (pryčym, jak pisali miascovyja dziaržaŭnyja ŚMI, jon nibyta sam padaŭ zajavu ab zvalnieńni). Pinčuka pastavili kiravać Tumiłavickim sielsavietam — z 19 sakavika jon pačaŭ pracu na novaj pasadzie.
Pryčym, miascovyja ludzi byli kateharyčna suprać takoha manioŭru. Užo były staršynia sielsavieta Hienadź Pacevič karystaŭsia vialikim aŭtarytetam. «Jon u nas małajčyna», — acharaktaryzavali Paceviča jaho byłyja padnačalenyja.
«Sprava nastupnaja: jašče vosieńniu jaho chacieŭ prybrać z pasady toj samy staršynia rajvykankama Aleh Pinčuk. Viaskoŭcy byli kateharyčna suprać, sabrali podpisy, adstajali staršyniu. Ciapier jaho znoŭ chočuć prybrać — byccam by, kab na hetuju pasadu prystroić źniataha Pinčuka. Pryjazdžali čynoŭniki z Dokšyc, ale deputaty sielsavieta nie prahałasavali za toje, kab źmianić staršyniu. Paśla ludzi źbirali podpisy, kab staršyniu nie zdymali», — raskazvajuć ludzi.
Praŭda, Pinčuk usio ž zaniaŭ pasadu staršyni sielsavieta.
«Naša Niva» źviazałasia z adstaŭlenym Hienadziem Pacevičam. Jon koratka adkazaŭ, što «ŭsio narmalna», zajaviŭ, što sam napisaŭ zajavu ab zvalnieńni. «Bo i ŭ domie ramont, i ŭ žonki prablemy sa zdaroŭjem», — skazaŭ Pacevič.
Cikava, što ciapier miascovyja kažuć, nibyta ŭ mai Pacevič vierniecca na pasadu kiraŭnika sielsavieta.
Kudy ŭ takoj situacyi padzienuć Pinčuka, nieviadoma. Hienadź Pacevič paćvierdziŭ svajo miarkujemaje viartańnie, ale ž nie adkazaŭ, jak adbudziecca čarhovaja sielskaja rakiroŭka.
U kresła staršyni Dokšyckaha rajvykankama sieŭ Aleh Kavalonak, jaki raniej kiravaŭ va Ušačach.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)