Udzień 25 sakavika byŭ zatrymany hałoŭny redaktar partała «Ježiednievnik» Siarhiej Sacuk.
Siarhiej Sacuk, fota «Jeŭraradyjo»
Zatrymańnie prachodziła na vačach jaho žonki Žanny.
«My pajechali ŭ budaŭničuju kramu pad Minskam, u Ścikleva. Tam nie paśpieli zajści ŭ kramu, jak padyšli dvoje. Ja padumała spačatku, što heta niejkija jaho znajomyja, ale raptam Siarhieja paviali kudyści ŭbok, — raspaviała žonka žurnalista «Našaj Nivie». — Ja kažu: «Siaroža, ty kudy?» Jon adkazvaje: «Mianie zatrymlivajuć».
Mužčyny, jakija jaho zatrymali, pakazvali «korački» Departamienta finansavych rasśledavańniaŭ. Ja spytała ŭ ich, za što Siarhieja zabirajuć, jany adkazali: vam paśla paviedamiać».
Pa słovach žonki, apošnim časam žurnalist nie zajmaŭsia niejkimi hučnymi temami. Što mahło być pryčynaj zatrymańnia, jana nie viedaje.
Pa apošnich danych, Sacuk znachodzicca ŭ Departamiencie finansavych rasśledavańniaŭ na vulicy Kalvaryjskaj u Minsku.
Čytajcie. BT pakazała VIDEA sa schavanaj kamiery, jak redaktar Ej.by Siarhiej Sacuk atrymaŭ kanviert ad biznesmiena
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)