Kamanda arhanizataraŭ śviatočnaha kancerta da ŭhodkaŭ abviaščeńnia BNR paviedamiła «Našaj Nivie» ab niečakanych techničnych prablemach, jakija paŭstali pierad zapuskam tranślacyi ŭ internet.
Kancert chacieli pakazać u žyvym efiry, bo sabracca ŭ horadzie sioleta nie atrymałasia praz karanavirus.
Mierkavałasia, što kancert u kłubie Re:Public budzie tranślavacca ŭ žyvym efiry na YouTube.
Ale sproby zapuścić efir marnyja, ničoha nie atrymlivajecca.
«Tut vydatny internet, 100 Mb/s, ale jon pačaŭ vydavać pamyłku, jak tolki pačaŭsia razahreŭ. Pieradać sihnał niemahčyma. Usie mahčymyja krynicy internetu pravieranyja, z usimi adnoje i toje ž.
Ale kancert usio roŭna idzie i budzie apublikavany siońnia kala 22-ch hadzin», — skazaŭ adzin z arhanizataraŭ.
Kab nie prapuścić, dadajciesia na kanał Hodna na jutubie.
