Pomsta leśnikam źjaŭlajecca adnoj z pryčyn lasnych pažaraŭ, paviedamiŭ na pres‑kanfierencyi ŭ Minsku 25 sakavika zahadčyk siektara pa achovie, abaronie lesu i nadzvyčajnych situacyjach Ministerstva lasnoj haspadarki Ivan Myślejka.
Pavodle jaho słoŭ,
naŭmysnymi padpalščykami lesu źjaŭlajucca parušalniki zakanadaŭstva. U pryvatnaści, złoŭlenyja brakańjery, jakija takim čynam pomściać leśnikam.«Pryčym mohuć padpalić nie tolki les, ale i dom leśnika», — zaznačyŭ čynoŭnik.
Pieršy namieśnik ministra lasnoj haspadarki Mikałaj Kruk zaznačyŭ, što ŭ Rasii naŭmysny padpał lesu časta vyklikany žadańniem atrymać finansavuju vyhadu. Złamyśniki spačatku padpalvajuć les, a potym dabivajucca prava praviadzieńnia na hetaj terytoryi rabot pa narychtoŭcy draŭniny, jakaja ŭpała ŭ canie z‑za pažaru.
Na terytoryi Biełarusi bolš jak 70% lasnych nasadžeńniaŭ adniesieny da najbolš vysokich kłasaŭ pryrodnaj pažarnaj niebiaśpieki. Pry hetym pryčynaj bolšaści pažaraŭ źjaŭlajecca čałaviečy faktar. Letaś u lasnym fondzie krainy adbyłosia 673 lasnyja pažary na ahulnaj płoščy 440,5 hiektara. Uron, naniesieny lasnymi pažarami, uklučajučy raschody na likvidacyju ich nastupstvaŭ, skłaŭ bolš jak 240 młn. rubloŭ. Za parušeńnie praviłaŭ pažarnaj biaśpieki ŭ lasach słužbovymi asobami dziaržaŭnaj lasnoj achovy było składziena 239 pratakołaŭ ab administracyjnaj adkaznaści, parušalniki aštrafavany na ahulnuju sumu 9,6 młn. rubloŭ.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?16
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary