Razam z Bukmiekierskaj kantoraj Leon my raskažam vam pra ŭsie cikavostki najlepšaha na siońnia futbolnaha pieršynstva ŭ Jeŭropie.
Druhi tur daŭ nam bolš pradkazalnych vypadkaŭ, čym startavy, ale i tut nie abyšłosia bieź siensacyj. Kali zazirnuć u pramiežkavuju tablicu, to na samym jaje dnie vy znojdziecie ŭ kampanii «Biełšyny» i «Haradziei» BATE i minskaje «Dynama». Topy biełaruskaha futboła pačali turnir ź dźviuch paraz, a minčuki, z ulikam kubkavych, naohuł prajhrali usie čatyry aficyjnyja hulni ŭ siezonie.
U zaŭziataraŭ «Dynama» vielmi niaprosty čas. Fota: FK «Dynama-Minsk».
Pieršy radok dzielać dziorzkija anderdohi z «Minska» i «Enierhietyka-BDU». A taksama «Tarpieda-BiełAZ» z «Isłačču», jakija zdabyli pa dźvie minimalnyja pieramohi.
Voś jak skončylisia matčy druhoha tura:
- «Tarpieda-BiełAZ» — «Biełšyna» 1:0 (50, Harbačyk)
- «Ruch» — «Enierhietyk-BDU» 0:1 (43, Mirošnikaŭ)
- «Słuck» — «Dynama-Brest» 0:1 (18, Mileŭski)
- «Słavija» — BATE 2:1 (32, 38, Mielnikaŭ — 10, Vilumsan)
- «Minsk» — «Dynama-Minsk» 3:2 (1, Chvaščynski; 41, Čahaviec; 45, Hryboŭski — 77, Šykaŭka (p); 80, Bachar)
- «Haradzieja» — «Šachcior» 0:2 (56, Dyjasamidze; 89, Padstrełaŭ)
- «Isłač» — «Smalavičy» 1:0 (9, Jansane)
- «Nioman» — «Viciebsk» 2:0 (51, Kadymian; 58, Kantaryja (p))
Ciapier pierachodzim da anonsu matčaŭ treciaha tura.
«Biełšyna» — «Haradzieja»
- 03.04, 17:00. Babrujsk, stadyjon imia Prakapienki.
- Kaeficyjenty: «Biełšyna» (pieramoha) — 2.53; ničyja — 3.20; «Haradzieja» (pieramoha) — 3.24.
Abiedźvie kamandy pradkazalna niaŭdała pačali siezon. Dla «Haradziei» marudzić na starcie — sprava zvykłaja, a babrujčanie prosta paćvierdzili svoj status aŭtsajdaraŭ.
Ciapier jość šaniec nabrać pieršyja turnirnyja bały. Ale haračaj hulni čakać nie varta: na dvaich u kamand usiaho adzin zabity miač.
Prahnoz «NN»: «Haradzieja» nie prajhraje. Totał, mienšy za 2.5.
«Dynama-Minsk» — «Tarpieda-BiełAZ»
- 03.04, 19:00. Minsk, stadyjon «Dynama».
- Kaeficyjenty: «Dynama» (pieramoha) — 2.27; ničyja — 3.24; «Tarpieda» (pieramoha) — 3.58.
Niahledziačy na toje, što kamandy znachodziacca na roznych polusach tablicy, «dynamaŭcy» zastajucca favarytami hulni. Ale varta nahadać, što minčuki voś užo dva hady nie tolki nie mohuć vyjhrać u «Tarpieda», ale navat i zabić.
Fota: FK «Tarpieda-BiełAZ»
Žodzincy chaj i z treciaj sproby, ale ŭsio ž zmahli źniać skalp z «Šachciora». Ci stanie «Dynama» jašče adnoj achviaraj kanśpiektaŭ Juryja Puntusa?
Prahnoz «NN»: «Tarpieda» nie sastupić.
«Šachcior» — «Nioman»
- 04.04, 15:30. Salihorsk, stadyjon «Budaŭnik».
- Kaeficyjenty: «Šachcior» (pieramoha) — 1.41; ničyja — 5.00; «Nioman» (pieramoha) — 10.50.
Paśla kryŭdnych paraz u pieršym tury salihorcy i haradziency zdabyli ŭpeŭnienyja pieramohi. Ciapier kamandy čakaje vočnaja sustreča, ale biez padtrymki fanataŭ, jakija pačali bajkot.
«Šachcior» vyhladaje vidavočnym favarytam hulni jak na papiery, tak i na raskładkach bukmiekieraŭ. Pakul my tak i nie pabačyli sapraŭdnuju moc kamandy Vierniduba. Ci zmoža z hetym niešta zrabić «Nioman»?
Prahnoz «NN»: «Šachcior» pieramoža.
BATE — «Ruch»
- 04.04, 17:30. «Barysaŭ-Arena».
- Kaeficyjenty: BATE (pieramoha) — 1.33; ničyja — 5.70; «Ruch» (pieramoha) — 10.00.
My pradkazvali, što stabilnaść dapamoža BATE roŭna prajści siezon, ale atrymałasia tak, što barysaŭcy stali zakładnikami svajoj adnastajnaj hulni. Jašče i abarona nie ciahnie — na dadzieny momant barysaŭcy prapuścili bolš za ŭsich.
Što tyčycca «Rucha», to tut jakraz składana zrabić vysnovy pa dvuch matčach. Bieraściejcy vyjhrali ŭ macniejšaha supiernika i prajhrali supastaŭnamu pa ŭzroŭni. Čym kamanda Siadniova źbirajecca ździŭlać eks-hiehiemona?
Prahnoz «NN»: sprahnazujem pieršuju pieramohu BATE, ale naŭrad ci žoŭta-sinija zabjuć šmat.
«Dynama-Brest» — «Słavija»
- 04.04, 19:30. DASK «Brescki».
- Kaeficyjenty: «Dynama» (pieramoha) — 1.41; ničyja — 5.20; «Słavija» (pieramoha) — 9.70.
Bieraściejcy ŭ minułym tury haściavali ŭ Słucku i zmahli zdabyć pieršuju pieramohu dziakujučy hołu Arcioma Mileŭskaha. Ale «Dynama» było vielmi niaprosta ŭ zmahańni sa «Słuckam»: u druhim tajmie słuččaki mieli šmat mahčymaściaŭ zraŭniać lik i navat vyjści napierad, ale padviało majsterstva futbalistaŭ.
«Słavija» paśla pieramohi nad BATE rychtujecca da matču z čempijonam, i vidavočna, što bieraściejcam budzie niaprosta.
Mikita Mielnikaŭ zabiŭ BATE dvojčy i byŭ pryznany najlepšym hulcom tura. Fota: FK «Słavija».
Prahnoz «NN»: «Dynama» pieramoža, abiedźvie kamandy zabjuć.
«Enierhietyk-BDU» — «Minsk»
- 05.04, 14:00. Minsk, RCAR-BDU.
- Kaeficyjenty: «Enierhietyk» (pieramoha) — 3.22; ničyja — 3.58; «Minsk» (pieramoha) — 2.44.
Ci moh niechta ŭjavić, što matč z vyvieskaj «Enierhietyk» — «Minsk» kaliści budzie matčam lidaraŭ čempijanatu?
Letaś abodva derbi minskich kamand vydalisia vielmi haračymi: u traŭni hulnia skončyłasia ź likam 3:3, a vosieńniu «Enierhietyk» razhramiŭ «Minsk» ź likam 6:1, a Illa Škuryn adznačyŭsia čatyrma hałami.
Čakajem takoj ža bahataj na zabityja miačy hulni i ŭ niadzielu.
Prahnoz «NN»: Totał, bolšy za 2.5.
«Viciebsk» — «Smalavičy»
- 05.04, 16:00. UPD. Pavodle abnoŭlenaj infarmacyi, matč adbudziecca ŭ Barysavie.
- Kaeficyjenty: «Viciebsk» (pieramoha) — 2.73; ničyja — 3.15; «Smalavičy» (pieramoha) — 3.16.
Viciebsk siońnia źjaŭlajecca druhim paśla Minska haračym punktam raspaŭsiudu karanavirusa. Łahična, što źjavilisia mierkavańnie pra pieranos hulni ŭ inšy horad. Ale matč projdzie jak zapłanavana.
«Smalavičy» prajhrali «Isłačy» pry vialikaj kolkaści mahčymaściaŭ. Ale syhraŭ rolu kłas kamandy, jakoha nie chapaje kamandzie Brazieviča. Ale za «Smalavičami» cikava budzie panazirać u dalejšym.
Prahnoz «NN»: Totał, bolšy za 2.5.
«Isłač» — «Słuck»
- 05.04, 18:00. Stadyjon FK «Minsk».
- Kaeficyjenty: «Isłač» (pieramoha) — 1.86; ničyja — 3.74; «Słuck» (pieramoha) — 5.10.
I na desiert sustreča dźviuch samych miedyjnych kamand čempijanatu. Znakamity bajanist-zaŭziatar «vaŭkoŭ» Valeryj Kałantaj zapisaŭ navat klip-pasłańnie karanavirusu.
U mižnarodnaj fan-supołcy «Słucka» ŭ Facebook užo bolš za 2500 siabroŭ. Kłub zapuściŭ zbor srodkaŭ, kab achvotnyja pa ŭsim śviecie mahli dapamahčy kłubu ŭ składanaj situacyi.
Što tyčycca hulni, to apošnija try siezony «Słuck» vyklučna pieramahaje «Isłač» na vyjeździe. Cikava, ci praciahniecca tendencyja?
Prahnoz «NN»: Totał, mienšy za 2.5.
U suviazi z raspaŭsiudam karanavirusa my nie raim vam naviedvać ludnyja mierapryjemstvy, u tym liku futbolnyja matčy. Kali ŭsio ž vyrašycie pajści na stadyjon, prytrymlivajciesia mieraŭ zaściarohi.
Dzialiciesia prahnozami ŭ kamientarach. Kali ličycie siabie ekśpiertam u biełaruskim futbole, zrabicie staŭku ŭ Bukmiekierskaj kantory Leon!