Zaćvierdžany paradak uzajemadziejańnia orhanaŭ dziaržkiravańnia pa zabieśpiačeńni samaizalacyi, paviedamlaje BiełTA.
Pavodle instrukcyi, MUS štodnia farmiruje śpisy asob, jakija zajechali za papiarednija sutki na terytoryju krainy praź mižnarodnyja punkty propusku praź dziaržmiažu Biełarusi, a zatym da 11.00 nakiroŭvaje źviestki ab miescy ich žycharstva abo znachodžańnia pry dapamozie sistemy mižviedamasnaha elektronnaha dakumientaabarotu dziaržorhanaŭ u Ministerstva achovy zdaroŭja.
Ministerstvu achovy zdaroŭja nieabchodna štodnia da 12.00 pradastaŭlać vyšejpakazanyja źviestki ŭ hałoŭnyja ŭpraŭleńni pa achovie zdaroŭja abłasnych vykanaŭčych kamitetaŭ i kamitet pa achovie zdaroŭja Minharvykankama, haradskija, rajonnyja, zanalnyja i rajonnyja ŭ haradach centry hihijeny i epidemijałohii.
Terytaryjalnyja centry hihijeny i epidemijałohii buduć aceńvać vykanańnie patrabavańniaŭ ab znachodžańni ŭ samaizalacyi ŭ chatnich umovach. Dla hetaha praduhledžana naviedvańnie hramadzian pa miescy ich žycharstva abo znachodžańnia biez uvachodu ŭ žyłoje pamiaškańnie i niepasrednaha kantaktu šlacham ich vusnaha apytańnia abo inšym sposabam. Abahulnienaja infarmacyja ab vynikach naviedvańnia nakiroŭvajecca ŭ adpaviednyja miascovyja vykanaŭčyja i rasparadčyja orhany.
U vypadku adsutnaści čałavieka pa miescy žycharstva abo znachodžańnia terytaryjalnym centram hihijeny i epidemijałohii, inšym dziaržarhanizacyjam achovy zdaroŭja, terytaryjalnym orhanam unutranych spraŭ nieabchodna pryniać miery pa ŭdakładnieńni jaho znachodžańnia i pryčyn nievykanańnia samaizalacyi. Taksama na praciahu adnaho pracoŭnaha dnia razhladajecca pytańnie ab mahčymaści prymianieńnia śpiecyjalnych mier pa akazańni miedycynskaj dapamohi.
