Tavarnyja zapasy, pierš za ŭsio pradukty charčavańnia, u tym liku impartnyja, jość u roźničnym handli Minska i na składach u dastatkovaj kolkaści, paviedamiła BIEŁTA načalnik hałoŭnaha ŭpraŭleńnia handlu i pasłuh Minharvykankama Nina Jemialjanava.
Upraŭleńnie štodzień adsočvaje paŭnatu pradstaŭlenaha asartymientu i zapasy tavaraŭ u staličnym handli.
«Situacyja z tavarnym zabieśpiačeńniem nasielnictva Minska ŭ roźničnaj handlovaj sietcy stabilnaja. Tym bolš što i pakupnikoŭ stała mienš, častkova ludzi pierajšli na dastaŭku na dom. Popyt na pradukty charčavańnia ŭmierany i całkam zadavalniajecca, — zapeŭniła Nina Jemialjanava. — Da hetaha času my majem šyroki asartymient pradukcyi. Pa šerahu tavaraŭ, takich jak miasa, syr, masła, małako, chleb, jajki, zabiaśpiečyć patrebu ŭ poŭnym abjomie atrymlivajecca za košt pradukcyi ajčynnaj vytvorčaści».
Taksama ŭ handlu i aptovych pradstaŭnikoŭ, bujnych imparcioraŭ źbirajecca infarmacyja pra najaŭnaść tavaraŭ krytyčnaha impartu, takich jak hrečka, rys, impartny alej (pa ich niekatory čas tamu naziraŭsia pavyšany popyt). «Zapasy pa hetych vidach pradukcyi ŭ roźničnym handli i na składach jość», — dadała Nina Jemieljanava.
