Siońnia ŭ Biełarusi jość test-sistemy dla praviadzieńnia bolš čym 20 tysiač daśledavańniaŭ. Pra heta paviedamiła siońnia ŭ efiry BT-1 namieśnica dyrektara pa navukovaj rabocie RNPC epidemijałohii i mikrabijałohii Alina Dronina.
«Tolki łabaratoryja RNPC epidemijałohii i mikrabijałohii robić kala 700 testaŭ za dzień. Ciapier u respublicy pracujuć 13 łabaratoryj», — skazała Alina Dronina.
U łabaratoryi RNPC vykarystoŭvajucca tolki test-sistemy ajčynnaj vytvorčaści — raspracoŭka śpiecyjalistaŭ, vučonych centra. U cełym u krainie vykarystoŭvajucca niekalki test-sistem, častka ź ich pastupiła pa linii humanitarnaj dapamohi z Kitaja, Rasii, častka — biełaruskaj vytvorčaści.
Ad momantu pastupleńnia materyjału ŭ łabaratoryju da taho, jak lekar abjaŭlaje vynik, prachodzić kala 6 hadzin. Ale kali zahruzka vysokaja, adnačasova robicca vialikaja kolkaść daśledavańniaŭ, pracedura raściahvajecca da sutak.
