Aśviačeńnie vielikodnych stravaŭ u subotu na Vialikdzień u 2016 hodzie ŭ kaściole śviatoha Rocha, fota Siarhieja Hudzilina
U niadzielu, 12 krasavika, kataliki i pratestanty adznačać Vialikdzień. Napiaredadni ŭ subotu ŭ tych ža kaściołach mnahaludna, ludzi iduć aśviačać vielikodnyja stravy.
Mitrapalit Minska-Mahiloŭski arcybiskup Tadevuš Kandrusievič 8 krasavika vydaŭ Dekret ab błahasłaŭleńni vielikodnych stravaŭ u chatnich umovach. Z-za vyklikanych pandemijaj karanavirusa składanaściaŭ nie ŭsie vierniki zmohuć asabista ŭdzielničać u paschalnych nabaženstvach, a taksama błahasłavić stravy na vielikodny stoł u śviatyni, paviedamlaje catholic.by.
U suviazi z hetym arcybiskup Tadevuš Kandrusievič zaćvierdziŭ paradak i tekst malitvy błahasłaŭleńnia vielikodnych stravaŭ u chatnich umovach.
Kali nie atrymałasia błahasłavić vielikodnyja stravy ŭ śviatyni, sioleta heta moža zrabić doma baćka siamji abo starejšaja asoba.
Paśla taho jak na tradycyjnaje śviatočnaje śniedańnie źbiarecca ŭsia siamja, na stale zapalvajecca śviečka i hučyć tradycyjnaje vielikodnaje pryvitańnie «Chrystus uvaskros! Aleluja!»
Potym chtości z prysutnych čytaje ŭryvak ź Jevanhiella pavodle Maćvieja, u jakim apaviadajecca pra toje, jak ranicaj žančyny pryjšli da mahiły i pieršymi daviedalisia ad anioła, što Chrystus uvaskros.
Paśla Jevanhiella kiraŭnik pramaŭlaje malitvu błahasłaŭleńnia, jakuju možna spampavać TUT.
Zatym usie razam molacca: Ojča naš… Vitaj, Maryja… Chvała Ajcu…
Supolnaja malitva zaviaršajecca znakam kryža.
Nahadajem, što ŭ niadzielu, 12 krasavika, pravasłaŭnyja taksama buduć adznačać Vierbnicu.
Tadevuš Kandrusievič zaklikaŭ katalikoŭ adśviatkavać Vialikdzień doma
