Hety minčuk pieršym u krainie zachvareŭ na pnieŭmaniju, vyklikanuju karanavirusam. Ciapier dla mužčyny ŭžo ŭ minułym usie strachi, reanimacyja. Były ciažki pacyjent infiekcyjnaj balnicy raskazaŭ Auto.tut.by pra toje, jak jaho litaralna z taho śvietu vyciahnuli lekary.
Jon viarnuŭsia z-za miažy i praź niekalki dzion adčuŭ niedamahańnie z tempieraturaj.
Vasil źviarnuŭsia ŭ pryvatny miedcentr i atrymaŭ rekamiendacyi, jak lačycca. Adnak praź niekalki dzion temperatura ŭ jaho padskočyła da 40 hradusaŭ.
Čytajcie taksama: Biznesmien pryvioz karanavirus u Minsk. Praź jaho ŭ karancin trapili daktary «Łade», studenty BDU, vučni himnazii №20 i paračka tenisistaŭ
— Dychać stała vielmi ciažka. Vyklikaŭ chutkuju, jakaja adviezła mianie ŭ infiekcyjnuju balnicu. Tam zrabili test na karanavirus, zdymak, a kali byŭ hatovy jaho vynik, vakoł mianie pačaŭsia taki ruch! Adrazu pakłali na katałku i bieham u reanimacyju.
Lekary, bačačy, što ich pacyjent vielmi chvalujecca, pracavali ź im nie tolki pa lačeńni asnoŭnaha zachvorvańnia, ale i jak psichołahi: padoŭhu stajali la łožka, raspaviadali zrazumiełaj movaj pra zachvorvańnie i lačeńnie, raźviejvali strachi.
Praz dva tydni, kali stan Vasila ŭžo dazvalaŭ, jaho adklučyli ad kisłarodu, inšych miedycynskich pryboraŭ i pieraviali ŭ adnamiesny boks.
— Tolki kali pajšoŭ na papraŭku, daviedaŭsia, što da hetaha moj stan byŭ vielmi ciažkim.
Pacyjent vielmi vysoka aceńvaje pracu lekaraŭ.
— Ich samaaddača ŭražvaje. Heta sapraŭdnyja prafiesijanały! Razumnyja, karektnyja, vytrymanyja ludzi! Zakančvajecca ich źmiena — jany zastajucca ŭ adździaleńni, kali treba. Viedali, što ŭsia maja siamja na karancinie i nichto nie pryniasie mnie pieradaču — dzialilisia sadavinaj sa svaich ssabojek. I takoje staŭleńnie było nie tolki da mianie, ale i da ŭsich pacyjentaŭ.
Miedyki infiekcyjnaj. U centry — zahadčyk reanimacyi Alaksandr Dziadkoŭ, źleva ad jaho — starejšaja miedsiastra balnicy Iryna Parymon.
Pacyjent zaklikaje ŭsich być pilnymi.
— Izalujciesia, nie chadzicie ŭ ludnych miescach, myjcie ruki, nasicie maski.