Chakiejnaja zbornaja Biełarusi spyniła padrychtoŭku da alimpijskaj kvalifikacyi. Pra heta paviedamlaje sajt fiederacyi chakieja Biełarusi.
«Va ŭmovach epidemijałahičnaha stanovišča, vyklikanaha raspaŭsiudžvańniem novaj karanavirusnaj infiekcyi COVID-19, a taksama ŭ metach biaśpieki žyćcia i zdaroŭja chakieistaŭ, trenieraŭ, administracyjnaha štaba i ich siemjaŭ, kiraŭnictva Fiederacyi chakieja Biełarusi pryniała rašeńnie ab spynieńni vučebna-trenirovačnaha zboru nacyjanalnaj kamandy z 15 krasavika.
Členy nacyjanalnaj zbornaj praciahnuć padrychtoŭku da alimpijskaha kvalifikacyjnaha turniru ŭ indyvidualnym režymie.
Finalnaja alimpijskaja kvalifikacyja da Hulniaŭ-2022 namiečana na žnivień i pavinna prajści ŭ Słavakii. Akramia haspadaroŭ, supiernikami našaj kamandy buduć Aŭstryja i Polšča.