Ursuła fon der Lajen, flickr.com.
Jeŭrakamisija (JEK) raspracavała i ahučyła try krytery dla admieny karancinu ŭ ES, adnak navat mahčymych dat ich admieny pakul niama. Pra heta zajaviła kiraŭnik Jeŭrakamisii Ursuła fon der Lajen u sieradu na videakanfierencyi, pradstaŭlajučy rekamiendacyi JEK krainam supolnaści pa admienie karancinu.
Pieršy — epidemijałahičny kryter, pavinien paćvierdzić, što raspaŭsiudžvańnie chvaroby značna źniziłasia za praciahły pieryjad času. Pra heta moža śviedčyć, naprykład, ustojlivaje skaračeńnie kolkaści novych vypadkaŭ infikavańnia i špitalizacyi», — zajaviła jana.
U apublikavanym dakumiencie Jeŭrakamisii raskryvajucca astatnija krytery, druhi ź jakich — najaŭnaść dastatkovaha patencyjału sistemy achovy zdaroŭja. «Naprykład: zapaŭnialnaść adździaleńniaŭ intensiŭnaj terapii, adekvatnaja kolkaść balničnych łožkaŭ, dostup da farmaceŭtyčnych praduktaŭ, nieabchodnych u adździaleńniach intensiŭnaj terapii, dzie isnuje niepaźbiežnaja ryzyka deficytu (antybijotyki, aniestetyki, reanimacyjnyja preparaty i mijarełaksanty), adnaŭleńnie zapasaŭ abstalavańnia (vientylatary, achoŭnyja srodki), najaŭnaść struktur pieršasnaj miedycynskaj dapamohi, a taksama dastatkovy čałaviečy resurs z adpaviednymi navykami», — adznačajecca ŭ rekamiendacyjach.
Narešcie, treci kryter — dastatkovy patencyjał sistemy manitorynhu chvaroby i kantaktaŭ zaražanych asob. «U tym liku, nieabchodna najaŭnaść maštabnych mahčymaściaŭ testavańnia dla vyjaŭleńnia chvaroby i raspaŭsiudžvańnia virusa ŭ spałučeńni z mahčymaściami adsočvańnia kantaktaŭ i karantynu ŭ vypadku paŭtornaha źjaŭleńnia i dalejšaha raspaŭsiudžvańnia infiekcyj. Mahčymaści vyjaŭleńnia antyciełaŭ buduć nieabchodnyja dla nazirańnia za dolaj nasielnictva, jakoje paśpiachova pieraadoleła COVID-19 i, vierahodna, nabyło imunitet», — havorycca ŭ dakumiencie.
Na praciahu apošniaha tydnia ŭ bolšaści krain Jeŭrasajuza kolkaść tych, chto zaraziŭsia i pamier za dzień, adnosna stabilizavałasia, i ŭ niekatorych vypadkach navat pačała źnižacca. Ale jano ŭsio jašče zastajecca stabilna vysokim, vyraznaj tendencyi da źnižeńnia pakul niama.
13 krasavika Emaniuel Makron abviaściŭ praciah karancinu ŭ Francyi da 11 maja, pakolki epidemija ŭ krainie «pakul nie utajmavanaja». 15 krasavika Nacyjanalny saviet biaśpieki Bielhii pavinny pryniać rašeńnie ab terminach karancinu ŭ hetaj krainie, dzie pakul abmiežavalnyja miery dziejničajuć da 3 maja, piša TASS.
