Dvoje ź ich źjavilisia na śviet u 6-j balnicy napiaredadni. I siońnia klinika paviedamlaje jašče ab adnym radasnym naradžeńni. Mamy i niemaŭlaty adčuvajuć siabie dobra. Uračy adznačajuć: zaražeńnie novanarodžanych — vielmi redkaja źjava, paviedamlaje BT.
Dźmitryj Nikicin, zahadčyk adździaleńnia 6-j haradskoj kliničnaj balnicy skazaŭ: «Viadzieńnie rodaŭ nie adroźnivajecca ŭ žančyn ź infiekcyjaj COVID ad inšych pacyjentaŭ. Heta značyć, my pravodzim i kiesarava siačeńnie pa pakazańniach, jany mohuć naradžać i samastojna. U nas naradzili try žančyny, u nas try novanarodžanyja. Pacyjentki adčuvajuć siabie dobra, dzieci klinična zdarovyja, čakajuć vynikaŭ PŁR [PŁR-dyjahnostyka (polimieraznaja łancuhovaja reakcyja — vysokadakładny mietad dyjahnostyki šmatlikich infiekcyj]».
Adznačym, 6-aja haradskaja kliničnaja balnica adnoj ź pieršych była pierakvalifikavanaja dla pacyjentaŭ z COVID-19.
