«Daviarać treba tamu, chto za svaje słovy adkazvaje». Pra heta Alaksandr Łukašenka zajaviŭ siońnia padčas razmovy z pracaŭnikami babrujskaha pradpryjemstva «Słavianka», pieradaje BIEŁTA.
U kiraŭnika dziaržavy pacikavilisia, jakim krynicam lepš daviarać ludziam va ŭmovach biaskoncaha patoku samaj roznaj infarmacyi z roznych resursaŭ, bo hramadzianie chvalujucca za situacyju ŭ krainie, tamu chočuć viedać praŭdu.
«Daviarać treba tamu, chto za svaje słovy adkazvaje. Vyjšli vy na jaki-niebudź z hadkich kanałaŭ, jakija ŭ Maskvie pachavalisia i adtul «plavuzhajuć» u bok Biełarusi, — za što jany adkazvajuć? Ni za što. Dumajuć, my ž jaje nie dastaniem. Kali treba — dastaniem. Nie ŭ hetym siońnia pytańnie. My ž nikoha nie spyniajem. Vy čytajcie i rabicie vysnovy. I viercie tamu, z kaho potym spytać možna», — skazaŭ kiraŭnik dziaržavy
«A ci treba nam hnacca za hetaj žaŭciznoj. My ž nikoli nie dahonim ich, i heta vielizarnyja hrošy. Tamu vy viedajecie dziaržaŭnaje telebačańnie, punkt hledžańnia dziaržavy. Vy, napeŭna, aceńvajecie roznyja srodki masavaj infarmacyi i bačycie, kamu možna vieryć, kamu nie. Chto adkaža za heta, a chto nie. Tamu vam vybirać. Ale ja ščyra vam kažu, što my nikoli nie chłusili vam i nie chłusim ciapier. Ja adnojčy ŭ sercach skazaŭ: «Voś mnie čaho heta chavać? Ja sparadziŭ toj psichoz abo karanavirus? Nie. Vy sparadzili ŭ Biełarusi? Nie. Nas uznaharodzili hetym». Heta śviedčyć ab tym, što śviet tak hłabalizavany i tak uzajemaźviazany, što siońnia ŭžo nie schavaješsia nidzie», — adznačyŭ Alaksandr Łukašenka.
Čytajcie taksama: Spartyŭnyja mierapryjemstvy admianić, škoły — na dystancyjnaje. SAAZ apublikavała rekamiendacyi dla Biełarusi
