Jak paviedamiŭ načalnik hałoŭnaha ŭpraŭleńnia pa adukacyi Mahiloŭskaj vobłaści Andrej Zabłocki, u subotu, 25 krasavika, va ŭstanovach adukacyi budzie zvyčajny navučalny dzień, paviedamlajuć mogilevnews.by.
— U hety dzień rekamiendavana arhanizavać navučalny praces u vyhladzie stymulujučych zaniatkaŭ pa asnoŭnych vučebnych pradmietach (matematyka, movy, chimija, fizika i h.d.), — adznačyŭ Andrej Zabłocki. — Taksama, uličvajučy, što 25 krasavika abjaŭleny dniom Respublikanskaha subotnika, buduć uparadkavacca sami navučalnyja ŭstanovy i prylehłyja terytoryi.
Što tyčycca nastupnaj piatnicy, 1 maja, rašeńnie Ministerstvam adukacyi budzie ahučana ŭ najbližejšy čas.
Całkam imavierna, što ŭ subotu buduć vučycca ŭsie školniki Biełarusi.
Mienavita pra navučańnie ŭ subotu 25 krasavika i 1 maja kazaŭ Łukašenka padčas naviedvańnia ŭ minułuju piatnicu škłozavoda «Nioman» u Lidskim rajonie.
«I my budziem vučycca ŭ subotu [25 krasavika], heta nie prosta pracy, fakultatyvy i h. d., a poŭny navučalny dzień, bo adstali, tydzień prahulali. A 1-ha [maja] my taksama budziem vučycca. A 2 i 3 maja dla dziaciej budzie vychodny. Tut my voźmiem hetyja dva dni, i, moža, uščylniŭšysia, navat letam nie spatrebiacca adzin-dva dni ŭ červieni miesiacy brać. Voś tak treba pastupić», — skazaŭ tady Łukašenka.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB21
Kamientary