Padčas razmovy Hitanasa Naŭsiedy z Alaksandram Łukašenkam prezident Litvy płanavaŭ prapanavać susiedniaj krainie dapamohu ŭ vyhladzie miedycynskich srodkaŭ, paviedamiła daradca Naŭsiedy Asta Skajshierycie, piša Delfi.lt.
«Vierahodna, prapanujem Biełarusi, kali treba, dapamohu miedycynskimi srodkami, pakolki my ŭžo pradastavili inšym krainam Uschodniaha Partniorstva miedycynskija srodki. Biełaruś jak adna ź ich mahła b taksama pretendavać na jaje», — skazała ranicaj u čaćvier padčas intervju radyjostancyi LRT daradca prezidenta Litvy. «Biełaruś źviartałasia pa dapamohu ŭ Jeŭrasajuz, tamu nie dumaju, što jany ad jaje chočuć admovicca», — dadała jana.
Pa słovach daradcy, virus nie viedaje miežaŭ, tamu Litvie važna, jak susiedniaja kraina spraŭlajecca z pandemijaj. Prezidenty taksama abmiarkujuć dvuchbakovyja ekanamičnyja suviazi i Biełaruskuju AES u Astraŭcy.
Telefonnaja razmova adbyłasia siońnia ranicaj.
