Z 1 maja pa 31 lipienia zaćvierdžany pamiery biudžetu pražytačnaha minimumu (BPM) u siarednim na dušu nasielnictva i pa asnoŭnych sacyjalna-demahrafičnych hrupach.
Biudžet pražytačnaha minimumu ŭ siarednim na dušu nasielnictva ŭstanoŭleny ŭ pamiery 246,78 rubla, što na 2,9% vyšej u paraŭnańni z narmatyvami, što dziejničajuć z 1 lutaha pa 30 krasavika. Pamiery biudžetu pražytačnaha minimumu pa asnoŭnych sacyjalna-demahrafičnych hrupach (u cenach sakavika 2020 hoda): pracazdolnaje nasielnictva — 275,48, piensijaniery — 187,22, studenty — 237,3, dzieci va ŭzroście da troch hadoŭ — 158, 94, dzieci ad 3 da 6 hadoŭ — 217,84, dzieci ad 6 da 18 hadoŭ — 265,2 rubla.
U suviazi sa źmianieńniem BPM z 1 maja aŭtamatyčna pierahladajucca ŭbudavanyja ŭ sistemu sacyjalnaj abarony roznyja nadbaŭki i pavyšeńni, a taksama asobnyja sacyjalnyja vypłaty, jakija vyličajucca ad pamieru BPM: pamiery dziaržaŭnych dapamoh siemjam, jakija vychoŭvajuć dziaciej, sacyjalnyja piensii, dapłaty piensijanieram va ŭzroście 75 hadoŭ i starejšyja, jakija atrymlivajuć piensii ŭ orhanach pa pracy, zaniatasci i sacyjalnaj abaronie, dapamohi pa dohladzie invalida I hrupy abo asoby, jakaja dasiahnuła 80-hadovaha ŭzrostu, nadbaŭki i pavyšeńni da piensij, jakija praduhledžany dla asobnych katehoryj piensijanieraŭ. Hetyja vypłaty pavialičvajucca suraźmierna rostu BPM na 2,9%.
