Fota Piatra Markiełava
Siońnia ŭ sudzie Pieršamajskaha rajona Minska čakajucca sudy nad zatrymanymi aktyvistami «Moładzievaha błoka» Daniłam Łaŭreckim i Lizaj Prakopčyk, jakich zatrymali 9 maja. Da suda jany byli pad vartaj u CIP, piša spring96.org.
Jak paviedamiła «Viaśnie» Darja Rubleŭskaja, sud nad aktyvistami «Moładzievaha błoka» Daniłam Łaŭreckim i Lizaj Prakopčyk budzie adbyvacca praz Skype.
Taksama 9 maja milicyja zatrymała aktyvistaŭ Michasia Varancova i Vieraniku Janovič. Uviečary ich adpuścili.
Nahadajem, 8 maja «Moładzievy błok» zładziŭ akcyju z trunoj padčas hienieralnaj repietycyi parada. Michaś Varancoŭ zdymaŭ akcyju na videakamieru, ale nie ŭdzielničaŭ u joj. Aktyvisty praz svaju akcyju chacieli źviarnuć uvahu na niebiaśpieku naviedvańnia masavych imprezaŭ u Dzień Pieramohi ŭ Minsku.
