Polskija navukoŭcy z Pamorskaha navukova-technałahičnaha parku raspracavali kalkulatar vierahodnaści śmiarotnaha vyniku ŭ vypadku zaražeńnia karanavirusnaj infiekcyjaj. Ab hetym paviedamlajecca na sajcie navukovaj arhanizacyi.
Kalkulatar, dastupny anłajn, uličvaje ŭzrost, poł i najaŭnaść čatyroch chraničnych zachvorvańniaŭ: hipiertanii, dyjabietu druhoha typu, raku i sardečna-sasudzistych prablem.
«Ryzyka śmierci ad COVID vielmi vyrazna zaležyć ad ładu žyćcia i źviazanych ź im zachvorvańniaŭ, u tym liku atłuścieńnia, dyjabietu, hipiertanii i ich uskładnieńniaŭ», — raspavioŭ hałoŭny raspracoŭščyk kalkulatara, doktar miedycynskich navuk Piotr Bandaš. Pavodle jaho słoŭ, śmiarotnaść siarod ludziej bieź jakich-niebudź chraničnych zachvorvańniaŭ składaje mienš za 1% vypadkaŭ sa śmiarotnym zychodam COVID-19.
