Paplečniki Cichanoŭskaha paviedamlajuć supiarečlivuju infarmacyju pra toje, ci aformiŭ jon na kahości davieranaść
Isnuje imaviernaść, što davieranaja asoba błohiera Cichanoŭskaha nie zmoža padać dakumienty na rehistracyju inicyjatyŭnaj hrupy ŭ CVK i što papiaredniaja infarmacyja ab tym, što davieranaść ŭžo była aformlena, nie adpaviadaje rečaisnaści. Pra heta paviedamlaŭ telehram-kanał «Kraina dla žyćcia».
Paviedamlałasia, što davieranaść płanavałasia padpisać praz advakata. Ale, jak stała viadoma napiaredadni, 11 maja, advakata da Siarhieja Cichanoŭskaha ŭ IČU nie puskajuć.
Adnak paźniej na staroncy «Kraina dla žyćcia» ŭkantakcie źjaviłasia inšaja infarmacyja — maŭlaŭ, infarmacyja ab adsutnaści davieranaści nie adpaviadaje rečaisnaści.
Nahadajem, 6 maja Siarhieja Cichanoŭskaha zatrymali pad Mahilovam. U MUS zajavili, što padstavaj dla zatrymańnia błohiera stała pastanova suda Savieckaha rajona horada Homiela ab administracyjnym aryšcie.
Ułady pryznačyli vybary na 9 žniŭnia, a nie na 30 žniŭnia, jak mierkavałasia raniej.
Padać dakumienty na rehistracyju inicyjatyŭnaj hrupy treba da 15 maja.
Cichanoŭski znachodzicca pad vartaj i nie zmoža padać dakumienty ŭ CVK sam.
Raniej paviedamlałasia, što niekalki čałaviek majuć davieranaści na padaču jaho dakumientaŭ u CVK.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary