Jeŭraparłamient unios prapanovu admianić roŭminh pamiž ES i krainami «Uschodniaha partniorstva». Hetuju inicyjatyvu karespandentu ahienctva «Minsk-Naviny» prakamientavali ŭ Ministerstvie suviazi i infarmatyzacyi Biełarusi.
— Pačałasia padrychtoŭka prajekta rehijanalnaha roŭminhavaha pahadnieńnia ŭ ramkach «Uschodniaha partniorstva», jakoje moža być padpisana ŭ śniežni 2020 h. i ŭstupić u siłu z 1 studzienia 2022 h. Prajekt hetaha pahadnieńnia praduhledžvaje paetapnaje źnižeńnie taryfaŭ na pasłuhi mižnarodnaha roŭminhu ŭ krainach «Uschodniaha partniorstva» na praciahu piaci hadoŭ, — padkreśliŭ pieršy namieśnik ministra suviazi i infarmatyzacyi Biełarusi Siarhiej Nieściarovič.
Aktyŭnaja prapracoŭka pytańnia źnižeńnia i harmanizacyi taryfaŭ na pasłuhi mižnarodnaha roŭminhu viadziecca pamiž šaściu krainami — udzielnicami «Uschodniaha partniorstva»: Armienijaj, Azierbajdžanam, Biełaruśsiu, Hruzijaj, Małdovaj i Ukrainaj.