Brytanskija ŭłady ŭ najbližejšy čas abaviažuć usich prybyvajučych u krainu z-za miažy vykonvać dvuchtydniovuju izalacyju, abviaściła ŭ piatnicu ministr unutranych spraŭ Pryci Pateł. Za parušeńnie hetaha patrabavańnia praduhledžvajecca štraf u 1000 funtaŭ sterlinhaŭ (1100 jeŭra), piša Bi-bi-si.
Pradstaŭniki epidemijałahičnych słužbaŭ atrymajuć prava pravodzić raptoŭnyja pravierki vykanańnia režymu.
Novyja praviły pačnuć dziejničać z 8 červienia. Jany datyčacca jak zamiežnikaŭ, tak i brytancaŭ, jakija viartajucca na radzimu.
Kolkaść achviar karanavirusa ŭ Brytanii za apošnija sutki pavialičyłasia na 351 i dasiahnuła 36 393 čałaviek (pamierłyja, u jakich virus byŭ vyjaŭleny z dapamohaj testu).
0
0
0
0
0
0
