Sioletniaja ŭračystaść Naradžeńnia sv. Jana Chryściciela ŭ minskaj parafii, jakaja nosić imia śviatoha Chrystova Papiarednika, stała histaryčnym dniom. 24 červienia 2006 h. u staličnym mikrarajonie Sierabranka byli aśviečany vuhłavy kamień novaj śviatyni i placoŭka, dzie płanujecca jaje pabudavać. Aśviačeńnie ździejśniŭ Apostalski administratar Minska-Mahiloŭskaj archidyjacezii biskup Antonij Dziamjanka.
Sioletniaja ŭračystaść Naradžeńnia sv. Jana Chryściciela ŭ minskaj parafii, jakaja nosić imia śviatoha Chrystova Papiarednika, stała histaryčnym dniom. 24 červienia 2006 h. u staličnym mikrarajonie Sierabranka byli aśviečany vuhłavy kamień novaj śviatyni i placoŭka, dzie płanujecca jaje pabudavać. Aśviačeńnie ździejśniŭ Apostalski administratar Minska-Mahiloŭskaj archidyjacezii biskup Antonij Dziamjanka.
Niekalki hadoŭ tamu ŭ Sierabrancy, jakaja źjaŭlajecca typovym «spalnym» rajonam ź vialikaj kolkaściu žycharoŭ, była pabudavana kaplička. Ale parafija za apošnija hady nastolki vyrasła, što vielmi aktualnym stała pytańnie pabudovy bolšaha kaścioła. U ciapierašniaj kaplicy padčas kožnaj śviatoj Imšy, asabliva ŭ niadzielu, niama volnaha miesca, a na vialikija relihijnyja śviaty ŭsie žadajučyja nie mohuć u joj źmiaścicca.
Uračystaść raspačałasia śviatoju Imšoju, jakuju celebravaŭ biskup Antonij Dziamjanka razam z usim prysutnym duchavienstvam. U joj brali ŭdzieł ajcy salezijanie, jakija z samaha pačatku pracujuć u parafii ŭ Sierabrancy, śviatary ź inšych parafij Minska, a taksama šmatlikija vierniki. Hamiliju pramoviŭ Kancler Minska-Mahiloŭskaj archidyjacezijalnaj kuryi ksiondz Juryj Kasabucki. Paśla Imšy adbyłosia nabaženstva da Najśviaciejšaha Serca Jezusa i eŭcharystyčnaja pracesija vakoł kaplicy.
Paśla aśviačeńnia vuhłavoha kamienia i placoŭki biskup, śviatary i architektar, jaki zrabiŭ prajekt i budzie vieści budaŭnictva kaścioła, pa čarzie brali ŭ ruki rydloŭki i simvalična raspačali ryćcio katłavanu pad fundamient budučaj śviatyni. Novy kaścioł u Sierabrancy płanujecca aśviacić u imia sv. Jana Boska — vialikaha siabra moładzi i zasnavalnika supolnaści salezijanaŭ.
Kamientary