Pra heta zajaviŭ na pres-kanfierencyi ŭ sieradu premjer-ministr Respubliki Matevuš Maraviecki, piša TASS.
«Z 30 maja mnohaje źmienicca», — skazaŭ jon, padkreśliŭšy, što ŭ pieršuju čarhu źmianiajecca praviła pa našeńni masak. «Nasić maski nie abaviazkova z zachavańniem sacyjalnaj dystancyi [u dva mietry]», — ukazaŭ kiraŭnik urada. «Heta tyčycca jak adkrytaj prastory, tak i zakrytaj, kali płošča dazvalaje zachoŭvać dystancyju», — zaznačyŭ premjer, padkreśliŭšy, što «ŭ kramach, u hramadskim transparcie, u kinateatrach maski zastajucca».
Pa słovach Maravieckaha, z suboty zdymajecca abmiežavańnie ŭ handli. U kramach bolš nie budzie limitu pakupnikoŭ, zasnavanaha na płoščy handlovaj kropki. Dazvalajecca taksama praviadzieńnie masavych mierapryjemstvaŭ na adkrytaj prastory z udziełam da 150 čałaviek.
«U pačatku pandemii my vybrali składany mietad zakryćcia miežaŭ i abmiežavańni kantaktaŭ», — ukazaŭ Maraviecki, padkreśliŭšy, što heta dapamahło značna abmiežavać raspaŭsiudžvańnie karanavirusa i kolkaść śmierciaŭ.
«Ciapier my znachodzimsia ŭ inšaj situacyi», — ukazaŭ jon, patłumačyŭšy, što ciapier sistema achovy zdaroŭja hatovaja akazvać dapamohu zaražanym.
Taksama ŭłady pryniali rašeńnie z 6 červienia adnavić pracu kinateatraŭ, teatraŭ, a taksama fitnes-kłubaŭ i basiejnaŭ.
Za ŭvieś čas u Polščy karanavirusam zarazilisia 22 303 čałavieki, pamierli 1025.
