visitsaaremaa.ee
Hienieralny sakratar Suśvietnaj arhanizacyi turyzmu pry AAN (UNWTO) Zurab Pałalikašvili zajaviŭ, što mižnarodny turyzm zmoža zapuścicca nie raniej za žnivień 2020 hoda. Jaho słovy pryvodzić hazieta Handelsblatt.
Pradkazvajučy terminy adnaŭleńnia padarožžaŭ paśla pandemii karanavirusa, ekśpiert adznačyŭ, što jon schilajecca da druhoha z troch scenaroŭ, raniej raspracavanych arhanizacyjaj UNWTO. Zhodna z hetym raskładam, turystyčnyja pajezdki skarociacca na 70 pracentaŭ, a krainy pačnuć adkryvać svaje miežy dla zamiežnikaŭ u žniŭni-vieraśni.
«Heta samy vialiki spad u mižnarodnym turyźmie z 1950-ch hadoŭ», — udakładniŭ Pałalikašvili.
Śpiecyjalist taksama dadaŭ, što niahledziačy na źniaćcie zabarony na ŭjezd mnohimi jeŭrapiejskimi dziaržavami ŭžo ŭ červieni, bolšaść turystaŭ usio ž praviaduć leta doma.
«Choć by tamu, što avijakampanii zmohuć znoŭ pracavać na poŭnuju mahutnaść tolki ŭ kancy lipienia ci pačatku žniŭnia», — rastłumačyŭ Pałalikašvili
