Łukašenka pra Babaryku: Hetamu bankiru treba padumać, dzie jon budzie pracavać paśla vybaraŭ
Siońnia padčas naviedvańnia MTZ adzin z rabočych pacikaviŭsia ŭ Łukašenki, ci praŭda, što adnamu z alternatyŭnych udzielnikaŭ vybarčaj kampanii jašče da jaje pačatku prapanoŭvałasia pasada premjer-ministra, paviedamlaje pres-słužba kiraŭnika krainy.
«Ja razumieju, što heta bankir [Viktar Babaryka] dzieści zrabiŭ, — bačyŭ u internecie zajavu, što jamu nibyta da vybaraŭ niešta prapanoŭvali, — adznačyŭ kiraŭnik dziaržavy. — Hetamu bankiru treba dumać, dzie jon budzie pracavać paśla vybaraŭ. I naohuł sa škoły i vas, i mianie vučyli: nie mani. U Biełarusi tolki adzin čałaviek pa Kanstytucyi maje prava prapanavać pasadu premjer-ministra i ŭnieści kandydaturu ŭ parłamient dla zaćviardžeńnia. Ja nikomu ničoha nie prapanoŭvaŭ. Tym bolš jamu. Jaki vopyt u jaho, kab być premjer-ministram».
«Tamu ja nijak nie moh prapanoŭvać i nie prapanoŭvaŭ nikomu na siońniašni dzień hetuju pasadu. U najbližejšy čas vy ŭbačycie. Ja pryznaču v. a. ŭ hetym ŭradzie, i paśla vybaraŭ, kali jon budzie dobra pracavać, my jaho zaćvierdzim», — zajaviŭ Alaksandr Łukašenka.
«Mahčyma, hetamu čałavieku (bankiru) prapanoŭvali pasadu premjer-ministra ŭ inšaj krainie. Ale ja tak prykinuŭ, dumaju: u adnoj niadaŭna pryznačyli Mišuścina. Tam mahli jamu prapanavać. Vy viedajecie, na čyje hrošy jon vyłučajecca. Va Ukrainie Uładzimir Zialenski niadaŭna naohuł pamianiaŭ premjer-ministra. Tamu, pa-mojmu, heta blef. Taki drobny blef i padman», — dadaŭ biełaruski kiraŭnik.
Babaryka: Mnie prapanoŭvali pasadu premjera za źniaćcie z vybaraŭ. Chto — sakret
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary