Karabiel SpaceX z amierykanskimi astranaŭtami Duhłasam Chierli i Robiertam Bienkienam ździejśniŭ paśpiachovuju stykoŭku ź Mižnarodnaj kaśmičnaj stancyjaj (MKS), piša bbc.com.
Ekipaž NASA adpraviŭsia da MKS na karabli Dragon, jaki stvaryła kampanija Iłana Maska SpaceX. Upieršyniu ŭ historyi kaśmičnych palotaŭ čałavieka heta zrabiła pryvatnaja kampanija.
Čytajcie taksama:
SpaceX Iłana Maska praviała pieršy ŭ historyi pryvatny zapusk z astranaŭtami ŭ kosmas VIDEA
Ciapier abodva astranaŭty dałučacca da amierykanska-rasiejskaha ekipažu, jaki ciapier pracuje na MKS.
Pierad stykoŭkaj astranaŭty atrymali dastatkova času dla adpačynku i dałučylisia da tradycyi amierykanskich astranaŭtaŭ —vybrali nazvu svajmu karablu.
«My vybrali Endeavour pa niekalkich pryčynach. Pieršaja — praz heta nievierahodnaje imknieńnie, ź jakim NASA, SpaceX i ZŠA pracavali ad zakančeńnia prahramy šatłaŭ jašče ŭ 2011 hodzie. Inšaja pryčyna — trochi bolš asabistaja dla Boba i mianie. My abodva zrabili svaje pieršyja paloty na šatle Endeavour, i vykarystoŭvać hetu nazvu dla nas značyć vielmi šmat», - rastłumačyŭ astranaŭt Chierli.
Šatł Endeavour spynili vykarystoŭvać dzieviać hadoŭ tamu. Jaho, u svaju čarhu, nazvali ŭ honar karabla Endeavor, jakim kamandavaŭ brytanski daśledčyk Džejms Kuk padčas padarožža da Aŭstralii i Novaj Ziełandyi ŭ kancy XVIII stahodździa.
Astranaŭty praviaduć na stancyi ad 30 da 110 dzion, a sam karabiel Crew Dragon, pavodle płanaŭ, nieŭzabavie viernie na ziamlu inšych astranaŭtaŭ, jakija znachodziacca na MKS.