Pieršy va ŭsioj bankaŭskaj sistemie Biełarusi koł-centr byŭ stvorany 23 maja 2005 hoda. Tady tam pracavali ŭsiaho 9 apierataraŭ, jakija absłuhoŭvali kala 500 zvankoŭ u dzień. Siońnia kantakt-centr naličvaje 126 supracoŭnikaŭ, a kolkaść zvarotaŭ štodnia pieravyšaje 6 tysiač.
Maštaby pracy kantakt-centra Priorbanka ŭražvajuć. Za 15 hadoŭ apieratary adkazali na 10,5 miljonaŭ zvankoŭ, 350 tysiač zapytaŭ u čacie i 130 tysiač paviedamleńniaŭ u pošcie, sacsietkach i miesendžarach. Kožny miesiac śpiecyjalistam pastupaje kala 200 tysiač zvarotaŭ, a ŭ apošni čas ich tolki stała bolš.
U kožnaha apieratara jość svoj unikalny psieŭdanim. Pry hetym «tvorčyja» imiony supracoŭnikaŭ nie pavinny paŭtaracca. Heta zroblena dla taho, kab možna było biespamyłkova vyznačyć, z kim mienavita mieŭ znosiny klijent. Apierataraŭ šmat, tamu ŭsie zvykłyja imiony, nakštałt Kaciaryny i Maryi, užo zaniatyja. Tamu pry vybary psieŭdanima davodzicca prajaŭlać fantaziju. Tak, u kantakt-centry źjavilisia Alivija, Nikol, Aŭhustyna i Emilija. Apieratary pryznajucca, što niezvyčajnyja imiony časam dapamahajuć naładzić pieršy kantakt. U razmovie ich časta pytajucca pra pachodžańnie imia i robiać kamplimienty.
Sposabaŭ źviazacca z kantakt-centram šmat. Priorbank padtrymlivaje kamunikacyju z klijentami ŭ 7 kanałach: pa telefonie, u čacie na sajcie, u miesendžarach Viber i Telegram, u mabilnym dadatku, u čacie internet-banka, pa elektronnaj pošcie i ŭ sacyjalnych sietkach. Jak praviła, u sacsietkach apieratary majuć znosiny mienš farmalna, a pry adpaviednaj nahodzie mohuć i pažartavać, i abmianiacca stykierami.
Kab absłuhoŭvać klijentaŭ jašče chutčej, u 2019 hodzie ŭ Priorbanku źjaviŭsia virtualny kansultant. Štučny intelekt VIK adkazvaje na zvanki i moža raskazać, jak pieravydać kartki, adklučyć SMS-apaviaščeńnie, źmianić numar telefona, a taksama paviedamić bałans i pravieryć, ci pryjšli hrošy na rachunak. Kali patrebna bolš padrabiaznaja kansultacyja, padklučajecca supracoŭnik banka. Z pačatku hoda VIK adkazaŭ na 19 tysiač pytańniaŭ i absłužyŭ bolš za 15 tysiač klijentaŭ biez udziełu apierataraŭ. U najbližejšy čas virtualny kansultant pačnie paćviardžać asobu klijenta pa hołasie, a jaho funkcyjanał značna pašyrać.
